बातमी कट्टा:- कांदा घेऊन जाणाऱ्या ट्रकचा टायर फुटल्याने ट्रक पलटी होउन सावळदे तापी पुलाजवळ खाली जाऊन पडल्याची घटना घडली आहे.काही क्षणामुळे प्राण वाचले अन्यथा तापी नदीत ट्रक जाऊन पडला असता.काहीं महाशयांनी घटनास्थळी जाऊन कांदे वाहुन नेल्याचे कळते.
मिळालेल्या प्राथमिक माहिती नुसार नाशिक येथून इंदौर कडे आर.बी.11 जी.बी 5890 क्रमांकाचा ट्रक पहाटे 3 वाजेच्या सुमारास जात असतांना ट्रकने पाती नदी ओलांडून सावळदे गावाच्या दिशेने जात असतांना अचानक ट्रकचा टायर फुटला यामुळे कांद्याने भरलेला ट्रक पुलाखाली जाऊन पडला.रस्त्याच्या 7 ते 8 फुट खाली हा ट्रक पडला यातील चालक व क्लिनर जखमी झाले असुन त्यांना उपचारासाठी रवाना करण्यात आले.सुदैवाने ट्रकचा तापी नदी ओलांडून टायर फुटला अन्यथा ट्रक तापी नदीत जाऊन पडला असता.घटनास्थळी पोलीस दाखल झाले असुन पुढील कार्यवाही सुरु आहे. मात्र काही महाशयांनी घटनास्थाळावरून कांदा वाहून नेल्याचे कळते.
