बातमी कट्टा:- शिरपूर ते शिंदखेडा रस्त्यावरील तापी नदीपुलावर मोटरसायकलीने आलेल्या सुरेंद्र सरदारसिंग राजपूत या २४ वर्षीय तरुणाने पुलावर मोटरसायकल उभी करुन तापी नदीत उडी घेतल्याची घटना आज दि 21 रोजी सायंकाळी घडली होती. पुलावरून जाणाऱ्या प्रवासीने तरुणाचा बुडतांनाचा व्हिडीओ काढला होता.रात्री उशिरापर्यंत पाण्यात त्याचा शोध घेणे सुरु होता मात्र मृतदेह मिळून आला नव्हता आज दि 22 रोजी सकाळपासून शोध सुरू असतांना सुरेंद्र राजपूत याचा मृतदेह मिळून आला आहे. मृतदेह बघून नातेवाईकांनी एकच आक्रोश केला.
मिळालेल्या प्राथमिक माहिती नुसार शिरपूर तालुक्यातील टेंभे बु.येथील सुरेंद्र सरदारसिंग राजपूत वय 24 हा दि 21 रोजी सायंकाळी आपल्या डिस्कवर कंपनीच्या मोटरसायकलीने गिधाडे गावाजवळील तापी पुलावर आला.पुलावर मोटरसायकल उभी करुन त्याने तापी नदीत उडी घेतली.पुलावरुन वाहतूक करणाऱ्या एका प्रवासीने त्याला उडी घेतांना बघितल्यानंतर आरडाओरड झाल्याने घटनास्थळावर नागरिकांनी धाव घेतली.यादरम्यान तो पाण्यात बुडत असतांंनाचा व्हिडीओ यावेळी एका प्रवासीने काढला.सदर मोटारसायकल वरुन तरुणाची ओळख पटल्यानंतर घटनास्थळी टेंभे येथील ग्रामस्थांसह नागरिकांनी धाव घेतली.त्याचा तापी नदीत शोध सुरु असतांना रात्री उशीरापर्यंत त्याचा शोध लागला नव्हता.मात्र आज सकाळपासून तापीत त्याचा शोध घेत असतांना सकाळी 8:00 वाजेच्या सुमारास मृतदेह पाण्यात मिळुन आला. सुरेंद्र राजपूत हा कृषी क्षेत्रातील कंपनीत मार्केटिंगचे काम करत होता.सुरेंद्र याचा मृतदेह शिरपूर उपजिल्हा रुग्णालयात दाखल करण्यात आला आहे.
