बातमी कट्टा:- धुळे जिल्हयातील जनावरांवर लम्पी स्किन ह्या आजाराने थैमान घातले असून जिल्हयातील पशुपालनाचा व्यवसाय संकटात आला आहे. जिल्हा पशुसंवर्धन विभाग व जिल्हा परिषदेचा पशुसंर्धन विभागाला पुरेसा लसींचा साठा तातडीने उपलब्ध करुन द्यावा अशी मागणी आ.कुणाल पाटील यांनी पशुसंवर्धन व दुग्धविकास मंत्री ना.सुनिल केदार यांच्याकडे केली आहे. जनावरांना झालेल्या आजाराने शेतकर्‍यांनी घाबरुन न जाता लक्षणे ओळखून जनावरांवर वेळीच उपचार करण्याचे आवाहनही आ.कुणाल पाटील यांनी केले आहे.
आ.कुणाल पाटील यांनी मंत्री ना. सुनिल केदार यांना दिलेल्या तातडीच्या पत्रात म्हटले आहे कि, धुळे जिल्ह्यात जनावरांमध्ये लम्पी स्किन हा आजार आढळून येत असल्याने शेतकरी वर्गात चिंतेचे वातावरण निर्माण झाले आहे. पावसाळ्याच्या दिवसात जनावरांमध्ये लाळ,खुरगट, पोटफुगी हे आजार सर्वसाधारणपणे दिसून येतात. मात्र लम्पी स्किन हा आजार नव्याने आढळून आला आहे. त्यामुळे शेतकर्‍यांमध्ये चिंतेचे वातावरण निर्माण झाले. धुळे जिल्हयातील धुळे,शिंदखेडा,साक्री,शिरपूर तालुक्यात अनेक जनावरे लम्पी स्किन आजाराने बाधित झाले आहेत.अंगावर गाठी येणे,फोड येणे, व त्यानंतर जखम होणे अशा आजाराची लक्षणे दिसून येत आहेत. पशूसंवर्धन तज्ञांच्यामते हा आजार संक्रमित असल्याने झपाट्याने पसरत आहे.त्यामुळे त्यावर तत्काळ उपचार होणे गरजेचे आहे. आजाराचा दुग्ध उत्पादक जनावरांवर होवून दुधाच्या उत्पन्नात घट होत असल्याने शेतकरी पुन्हा आर्थिक संकटात सापडला आहे. जिल्हा परिषद पशुसंवर्धन विभाग आणि जिल्हा पशुसंवर्धन विभागामार्फत 22 हजार जनावरांचे लसीकरण करण्यात आले आहे. मात्र जिल्ह्यात जनावरांची संख्या जास्त असल्याने लसींची संख्या अपूर्ण पडत आहे. त्यामुळे तातडीने आवश्यक तेवढ्या लसींची उलब्धता करुन द्यावी अशी मागणी आ.कुणाल पाटील यांनी ना.केदार यांच्याकडे केली आहे.
*कर्मचारी भरती करावी-
जिल्हयातील व धुळे तालुक्यातील पशुवैद्यकिय दवाखान्यात डॉक्टर व इतर कर्मचार्‍यांची संख्या कमी आहे. त्यामुळे डॉक्टरांसह कर्मचार्‍यांची भरती करण्यात यावी यासाठी मी वेळोवेळी विधानसभेच्या अधिवेशनात मागणी केली आहे.दरम्यान यासाठी माझा पाठपुरावा सुरु राहणार असल्याचे आ.कुणाल पाटील यांनी सांगितले आहे.
मा.संपादक साहेब दि.25/9/2021
दैनिक-सदर बातमी आपल्या लोकप्रिय दैनिकात प्रसिध्दीस देण्यात यावी ही विनंती. (चुडामण पाटील)
