बातमी कट्टा:- पोळा सणाच्या औचित्य साधून शोरुम मधुन नवीन मोटरसायकल घरी आणत असतांना तरुणाचा अज्ञात संशयितांनी धारदार शस्त्राने वार करत निर्घृण खून करून नवीन मोटरसायकल घेऊन पोबारा केल्याची खळबळजनक घटना घडली आहे. घरातील कर्ता एकुलत्या एक मुलाचा मृत्यूची घटना समजताच सर्वत्र हळहळ व्यक्त होत आहे.
मिळालेल्या प्राथमिक माहिती नुसार शिंदखेडा तालुक्यातील दरणे येथील प्रेमसिंग राजेंद्र गिरासे हा 21 वर्षीय तरुण आज शिंदखेडा येथील शोरुम मधून नवीन प्लाटीना मोटरसायकल घेण्यासाठी गेला होता.पोळा सणाच्या दिवशी प्लाटीना मोटरसायकल घेऊन घरी परत येत असतांनाच दरणे ते चिमठाणे रस्त्यावरील सबस्टेशन जवळ संशयितांनी त्याचा रस्त्यातच धारदार शस्त्राने वार करत खून करत नवीन मोटरसायकल घेऊन अज्ञात संशयित पोबारा झाले.प्रेमसिंग गिरासे रस्त्याच्या थारोळ्यात पडलेला असल्याचे ये-जा करणाऱ्यांना निदर्शनास आल्यानंतर उपस्थितांनी तात्काळ जवळील चिमठाणे येथील रुग्णालयात दाखल केले.मात्र गंभीर दुखापत असल्याचे बघुन धुळे येथे जाण्याचा सल्ला दिला तेथून धुळे जात असतांनाच रस्त्यावरच प्रेमसिंग गिरासे यांन जगाचा निरोप घेतला.
मयत प्रेमसिंग गिरासे यांची हलाखीची परिस्थिती होती तो घरातील एकुलता एक मुलगा असल्याने त्याच्यावर घराची संपूर्ण जबाबदारी होती.तो नुकताच पशु चिकित्सक म्हणून कार्य सांभाळत होता.घरात सर्व सुखी समाधानी सुरु असतांना आज सणासुदीला नवीन मोटरसायकल आणण्यासाठी शिंदखेडा येथील शोअरुम येथून नवीन प्लाटीना मोटरसायकल आणत असतांना अज्ञात संशयितांनी त्याचा खून करत मोटरसायकल हिसकावून पोबारा केल्याची घटना घडली आहे.घटनेची माहिती प्राप्त होताच दरणे येथील नागरिकांनी गर्दी केली होती.घटनेची माहिती प्राप्त झाल्यानंतर सर्वत्र हळहळ व्यक्त होत आहे. पोलीसांकडून संशयितांचा शोध सुरु आहे.
