बातमी कट्टा:- शासकीय कामासाठी नाशिकला जात असतांना समोरील ट्रकला वाहन धडकल्यामुळे भीषण अपघातात गटविकास अधिकारी एकनाथ चौधरी यांचा जागीच मृत्यू झाल्याची घटना दि 23 रोजी पहाटेच्या सुमारास घडली आहे.
मिळालेल्या प्राथमिक माहिती नुसार अमळनेर येथे कार्यरत असलेले गटविकास अधिकारी एकनाथ चौधरी हे आज दि 23 रोजी पहाटे शासकीय कामासाठी नाशिक येथे जाण्यासाठी निघाले होते.अमळनेर धुळे रस्त्यावरून जात असतांना धरणगाव तालुक्यातील भोणे फाट्याजवळ समोरील ट्रकला त्यांच्या वाहनाने मागून धडक दिली या भीषण अपघातात चालक शेजारी बसलेले गटविकास अधिकारी एकनाथ चौधरी यांचा जागीच मृत्यू झाला. घटनेची माहिती प्राप्त होताच घटनास्थळी नागरिकांनी धाव घेत मदतकार्य सुरु केले.या अपघाता चारचाकी वाहनाची संपूर्ण चक्काचूर झाली होती.गटविकास अधिकारी एकनाथ चौधरी हे मुळ धुळे येथील असल्याचे सांगण्यात येत आहे. या घटनेमुळे सर्वत्र हळहळ व्यक्त होत आहे.
