बातमी कट्टा:- शिरपूर शहरातील पाचकंदील परिसरात शिवसेना पक्षाचे नेते खासदार श्रीकांत शिंदे यांची आज दुपारी प्रचार सभा होणार आहे.यासाठी शिवसेना पक्षाच्या वतीने तयारी करण्यात येत आहे.
स्थानिक स्वराज्य संस्था निवडणुकीच्या रणधुमाळीला सुरुवात झाली आहे आणि यामुळे आता नगरपरिषद वर आपली सत्ता बसावी यासाठी राजकीय नेत्यांकडून प्रचाराच्या धुराळा उडाला आहे. शिरपूर वरवाडे नगर परिषद निवडणुकीत देखील आता चुरशीची ठरत असून या निवडणुकीत महायुतीत फुट पडली आहे. शिंदे गटातील शिवसेना पक्षाचे नेते खासदार श्रीकांत शिंदे यांची आज दुपारी शिरपूर शहरातील पाचकंदील परिसरात प्रचार सभेचे आयोजन शिवसेनेच्या वतीने करण्यात आले आहे. शिवसेना पक्षाच्या वतीने हेमंत पाटील हे नगराध्यक्ष पदाचे उमेदवार आहेत तर 25 उमेदवार नगरसेवक पदासाठी उमेदवारी करत आहे. शिवसेना उमेदवारांना संबोधित करण्यासाठी आज खासदार श्रीकांत शिंदे शिरपूर शहरात येत आहेत. नगरपरिषदेवर शिवसेना पक्षाचा झेंडा फडकावा यासाठी उपमुख्यमंत्री एकनाथ शिंदे यांच्या पाठोपाठ आता खासदार श्रीकांत शिंदे देखील मैदानात उतरले आहेत.भाजप पक्ष सोडून हेमंत पाटील यांच्या सह अनेकांनी शिवसेना पक्षात पक्ष प्रवेश केल्यानंतर पहिल्यांदा शिवसेना पक्षाचे नेते खासदार श्रिकांत शिंदे शिरपूर शहरात येत असल्याने जय्यत तयारी करण्यात येत आहे.
