बातमी कट्टा:- घरात झोपलेले असतांना पहाटेच्या सुमारास अचानक काहीतरी वस्त खाली पडल्याचा आवाज आल्याने बघण्यासाठी गेले असतांना समोर चक्क आठ फुटी लांबीचा अजगर दिसला.यावेळी काही वेळ घबराटीचे वातावरण झाले.मात्र वनविभाग व सर्पमित्राने अखेर त्या अजगराला सुरक्षितपणे ताब्यात घेतले व ते जंगलात सोडणार असल्याचे सांगण्यात आले आहे.
मिळालेल्या प्राथमिक माहिती नुसार शिरपूर तालुक्यातील असली गवातील मनोज नामदेव ईशी हे आपल्या घरात दि 26 रोजी मागच्या खोलीत झोपलेले असतांना पहाटेच्या सुमारास घरात काही तरी वस्तू खाली पडल्याचा आवाज आला.मनोज ईशी हे आवाज आलेल्या दिशेने गेले असता त्यांना समोरच मोठा अजगर दिसून आला.अजगर बघताच घबराटीचे वातावरण निर्माण झाले.मनोज ईशी यांनी त्यांचा पुतण्या राहुल याला आवाज देऊन घटनेची माहिती दिली.राहुलने तात्काळ पळासनेर येथील सर्पमित्र लोटन जगदेव यांनी महेश करंकाळ, योगेश वारुळे यांना घटनास्थळी दाखल होण्यास सांगितले व वनविभागाला याबाबत माहिती दिली.वनपाल कपिल पाटील सह सर्पमित्र यांनी तो आठ फुटी अजगर ताब्यात घेतला.याबाबत गावात माहिती मिळताच घटनास्थळी बघणारेंनी गर्दी केली होती.त्या अजगराला जंगलात सोडण्यात येणार असल्याचे यावेळी सांगण्यात आले आहे.
