आपल्या दातांनी चावले आपले ओठ ? लाच स्वीकारतांना भुमापन अधिकारी ताब्यात

बातमी कट्टा :- धुळे येथे लाचलुचपत प्रतिबंधक विभागाच्या धुळे पथकाने भुमापन अधिकारीला १० हजारांची लाच स्वीकारतांना रंगेहाथ ताब्यात घेतले आहे.तक्रादार हे देखील निवृत्त नगर भूमापन अधिकारी असल्याचे सांगण्यात येत आहे.याप्रकरणी गुन्हा दाखल करण्याचे काम उशीरापर्यंत सुरु होते.

तक्रारदार यांनी त्यांच्या पत्नीच्या नावे मौजे महिंदळे, स.नं. १२८/२ मध्ये प्लॉट नं.२ क्षेत्र १५५ चौ.मी. दि.२३.१२.२०२४ रोजी खरेदी केला आहे. सदर प्लॉटच्या मिळकत पत्रिकेवरील क्षेत्र चुकीने १८५.२० चौ.मी. ची नोंद झाली असल्याने सदर प्लॉटच्या मिळकत पत्रिकेवर खरेदी खतान्वये नाव लावण्यासाठी अडचण येत असल्याने मिळकत पत्रिकेवरील क्षेत्राची दुरूस्ती करून मिळणे करीता मुळ मालक यांनी नगर भुमापन अधिकारी, धुळे यांच्याकडे अर्ज केला होता. सदर अर्जावर कार्यवाही होवुन नगर भुमापन अधिकारी भास्कर वाघमोडे यांनी सदर प्लॉटच्या मिळकत पत्रिकेवरील चुकीने लागलेल्या क्षेत्राची दुरुस्ती करण्याबाबत कार्यालयीन आदेश काढले आहेत. परंतु सदर आदेशान्वये मिळकत पत्रिकेवर क्षेत्राची दुरुस्ती न झाल्याने तक्रारदार हे वेळोवेळी धुळे नगर भुमापन कार्यालयात जावुन नगर भुमापन अधिकारी भास्कर वाघमोडे व परिरक्षण भुमापक हर्षल खोंडे यांची भेट घेवुन पाठपुरावा करीत होते. त्या दरम्यान नगर भुमापन अधिकारी वाघमोडे यांनी तक्रारदार यांचेकडुन १०,०००/- रुपये घेतले होते.

त्यानंतर तक्रारदार हे धुळे नगर भुमापन कार्यालयात त्यांच्या कामाबाबत विचारपुस करण्याकरीता गेले असता नगर भुमापन अधिकारी वाघमोडे यांनी १०,०००/- रुपये लाचेची मागणी करुन सदर लाचेची रक्कम परिरक्षण भुमापक खोंडे यांना देण्यास सांगितल्याची दि. १३.०१.२०२५ रोजी तक्रार दिली होती.

सदर तक्रारीची पडताळणी केली असता नगर भुमापन अधिकारी वाघमोडे यांनी तक्रारदार यांच्याकडे परिरक्षण भुमापक हर्षल खोंडे यांचेकरीता १०,०००/- रुपये लाचेची मागणी केली होती. त्यानंतर आज दि. २३.०१.२०२५ रोजी सापळा आयोजित केला असता नगर भुमापन अधिकारी वाघमोडे यांनी तक्रारदार यांच्याकडुन १०,०००/- रुपये लाचेची रक्कम स्वतः स्विकारतांना त्यांना रंगेहात पकडण्यात आले असुन त्यांचेविरुध्द धुळे शहर पोलीस स्टेशन येथे गुन्हा दाखल करण्याचे काम सुरु आहे.

सदरची सापळा कारवाई शमिष्ठा घारगे वालावलकर, पोलीस अधीक्षक, नाशिक परिक्षेत्र, नाशिक यांच्या मार्गदर्शनाखाली पोलीस उप अधीक्षक सचिन साळुंखे, पोलीस निरीक्षक पंकज शिंदे, पोलीस निरीक्षक रुपाली खांडवी, तसेच पथकातील राजन कदम, मुकेश अहिरे, प्रविण मोरे, संतोष पावरा, रामदास बारेला, मकरंद पाटील, प्रविण पाटील, प्रशांत बागुल, सुधीर मोरे, जगदीश बडगुजर अशांनी केली आहे.

WhatsApp
Follow by Email
error: