बातमी कट्टा:- शिरपूर शहरातील मांडळ शिवारात हॉटेलसह दोन ते तिन ठिकाणी घरफोडी झाल्याची घटना घडली आहे.एकाच घरातून अंदाजे सात तोळे सोन्याचे दागिने व एक लाखांची रोकड चोरी झाली आहे तर ईतर दोन ठिकाणी झालेल्या चोरीतील रक्कमची माहिती अद्याप मिळु शकलेली नाही.घटनास्थळी पोलीसांकडून चौकशी सुरु आहे.
मिळालेल्या प्राथमिक माहिती नुसार शिरपूर शहरातील मांडळ शिवारात असलेल्या मांडळ ग्रामपंचायतीच्या हाकेच्या अंतरावर असलेल्या भटु वसंतराव सोनार यांच्या बंद घरी घरफोडी झाली.भटु सोनार यांची शिरपूर शहरात कपड्यांची दुकान आहे.ते सहकुटुंब काल दि 26 रोजी चोपडा येथील नातेवाईकांकडे गेले होते.आज सायंकाळी भटु बोनार यांच्यासह कुटुंब घरी परतले तेव्हा त्यांना घराच्या दरवाजाचा कडीतोंडा तुटलेला दिसुन आला.त्यांनी घरातील वरच्या मजल्यावर बघीतले असता तेथील कपाटातील कपडे फेकलेले दिसून आले व लॉकर उघडे होते. भटु सोनार यांनी सांगितल्या नुसार त्यांच्या घरात 7 तोळे सोन्याचे दागिने व अंदाजे एक लाखांची रोकड असल्याचे सांगितले घटनास्थळी शिरपूर शहर पोलीस स्टेशनचे पथक दाखल झाले.यावेळी त्या घरा जवरीलच साहेबा हॉटेल येथे चोरी झाल्याचे उघड झाले आहे.हॉटेलात एकाच आठवड्यात दोन वेळा चोरी झाल्याचे सांगितले जात आहे. तर याच मांडळ शिवारातील व्यंकटेश नगर येथील जयपाल प्रकाशसिंग गिरासे यांच्या बंद घरात चोंरानी घरफोडी केली आहे.याबाबत पोलीसांकडून चौकशी सुरु आहे.
