बातमी कट्टा:- एकाच वेळी 5 जणांनी राहत्या घरी विष प्राशन करुन सामुहिक आत्महत्येचा प्रयत्न केल्याची घटना काल दि 21 रोजी दुपारच्या सुमारास घडली असून पाचही जणांवर रुग्णालयात उपचार सुरु आहे.एकाच कुटुंबातील चार व अन्य एकाने विषारी औषध प्राशन केले आहे.यात दोन लहान मुलांचा देखील समावेश आहे.एकाची प्रकृती गंभीर आहे.
मिळालेल्या प्राथमिक माहिती नुसार धुळे तालुतील अवधान गावातील दौलतनगर परिसरात राहणाऱ्या पाच जणांनी राहत्या घरी विषारी औषध प्राशन करुन आत्महत्या करण्याचा प्रयत्न केला आहे.यातील चार जण एकाच कुटुंबातील असून अन्य एकाचा अमावेश आहे.मुळ शिरपूर तालुक्यातील दहिवद येथील रहिवासी व सध्या अवधान येथे राहणारे गणेश रावल गोपाळ वय 42,गोविंदा गणेश गोपाळ वय 12,जयश्री गणेश गोपाळ वय 14,सविता गणेश गोपाळ वय 35 व भरत पारधी वय 24 यांनी दि 21 रोजी दुपारी राहते घरी कुठलेतरी विषारी औषध प्राशन करून दुपारच्या सुमारास सामुहिक आत्महत्या करण्याचा प्रयत्न केला.यात दोन लहान मुलांचा समावेश आहे.
या घटनेची माहिती मिळताच नागरिकांनी धाव घेत पाचही जणांना धुळे येथील हिरे मेडिकल रुग्णालयात उपचारासाठी दाखल करण्यात आले.पाचही जणांवर उपचार सुरू असून भरत पारधी याची प्रकृती चिंताजनक असल्याचे सांगितले जात आहे.या मागील मुळ कारण मात्र समजू शकलेले नाही घटनास्थळी पोलीस प्रशासनाकडून चौकशी करण्यात येत आहे.
