बातमी कट्टा:- महावितरण सबस्टेशनच्या कार्यालयात कार्यरत असलेले सिनिअर ऑपरेटर यांचा तापी नदीपात्रात मृतदेह आढळून आल्याची धक्कादायक घटना घडली आहे.त्यांनी वॉटसअप ग्रुपवर मॅसेज टाकला होता त्यात त्यांनी म्हटले की,”माझ्या मागे 4 ते 5 गुंड मुले लागले असून हे सर्व अनोळखी आहेत.मला काहीच सुचत नाहीये. माझ्या सोबत तिन लाख रूपये आहेत मी कसा तरी स्वताला वाचवण्याचा प्रयत्न करत असून मला मदत “असा त्यांनी वॉटसअप ग्रुपवर आज दि 4 रोजी दुपारी मॅसेज टाकला होता.आणि त्याच्या दोन तासानंतर तापी नदीपात्रात त्यांचा मृतदेह आढळून आला आहे.
मिळालेल्या प्राथमिक माहिती नुसार शिरपूर तालुक्यातील बाळदे ता.शिरपूर येथील सबस्टेशन येथे प्रवीण विजय गवते वय 42 रा.चिमठाणे ता.शिंदखेडा हे सिनीअर ऑपरेटर म्हणून कार्यरत होते. त्यांची आज दुपारी गिधाडे तापी नदीपुलावर मोटरसायकल बेवारस स्थितीत आढळून आली होती. प्रवीण गवते यांची रात्रपाळी असल्याने ते रात्रीपासून बाळदे येथील सबस्टेशनवर होते.सकाळी 8:30 वाजता ते घरी चिमठाणे येथे जाण्यासाठी निघाले होते.मात्र 2 वाजून 52 मिनीटांनी त्यांनी वॉटसअप ग्रुपवर एक मॅसेज टाकला ज्यात म्हटले की,माझ्या मागे 4-5 गुंड मुले लागले असून हे सर्व अनोळखी आहेत.मला काहीच सुचत नाहीये. माझ्यासोबत तिन लाख रूपये आहेत मी कसा तरी स्वताला वाचवण्याचा प्रयत्न करत असून मला मदत असा स्वरूपाचा त्यांनी वॉटसअप ग्रुपवर मॅसेज टाकला होता. ग्रुपमधील मॅसेज वाचून त्यांंना संपर्क देखील साधण्यात आला होता.
या घटनेनंतर त्यांची मोटरसायकल गिधाडे तापी पुलावर आढळून आली होती.त्यांचा गिधाडे तापी नदीपात्रात शोध सुरु केला असता 4:30 ते 5 वाजेच्या सुमारास प्रवीण गवते यांचा तापीनदी पात्रात मृतदेह आढळून आला.त्यांचा मृतदेह शिंदखेडा येथील रुग्णालयात शवविच्छेदनासाठी दाखल करण्यात आला आहे. मयत प्रवीण गवते यांच्या या वॉटसअप ग्रुपवरील मॅसेज मुळे अनेक तर्क वितर्क लावण्यात येत असून याप्रकरणात पोलीस काय भुमिका घेतात याकडे सर्वांचे लक्ष लागले आहेत.
