बातमी कट्टा:- ओव्हरटेकच्या नादात बस आणि मोटरसायकलीचा भीषण अपघातात दोन डॉक्टरांचा जागीच मृत्यू झाल्याची दुर्दैवी घटना काल दि 23 रोजी घडली आहे. या घटनेमुळे हळहळ व्यक्त होत आहे.
मिळालेल्या प्राथमिक माहिती काल दि 23 रोजी दुपारी अमळनेर – बेटावद रस्त्यावरील पांझरा नदीपुलाजवळ माधवी हॉटेलनजीक बस आणि मोटरसायकलीचा भीषण अपघात झाला आहे. डॉक्टर महेंद्र शांतीलाल बोरसे वय 39 रा.पाडसे ता.अमळनेर व डॉ.अरुण उर्फ शंकर नथ्थु साळुंखे वय 38 रा.हिंगोणे खुर्द प्र.जळोद ता.अमळनेर हे दोन्ही जण मोटरसायकलीने अमळनेरहुन शिरपूर कडे जात असतांना एम.एच 20 बीएल 3981 क्रमांकाची बस ओव्हरटेक करीत असतांना मोटरसायकलीला धडक बसल्याने भीषण अपघात झाला.यात महेंद्र बोरसे आणि अरुण साळुंखे या दोन्ही डॉक्टरांचा जागीच मृत्यू झाला.
घटनेची माहिती मिळताच घटनास्थळी नागरिकांनी धाव घेत मदत कार्य केले दोघांचेही मृतदेह अमळनेर ग्रामीण रुग्णालयात दाखल करण्यात आला आहे.या घटनेमुळे सर्वत्र हळहळ व्यक्त होत आहे.
