बातमी कट्टा:- चूल पेटवून केंद्र सरकारचा महागाई विरोधात निषेध करण्यासाठी काँग्रेस पक्षाच्या वतीने आंदोलनाची तयारीत असतांना पोलिसांनी परवानगी नसल्याचे सांगत आंदोलनाचे साहित्य जप्त केले.
आज सकाळी महागाई विरोधात काँग्रेस पक्षाच्या वतीने जिल्हाधिकारी कार्यालयाच्या प्रवेशद्वारासमोर चूल पेटवून केंद्र सरकारचा निषेध करण्यासाठी आंदोलनाचे आयोजन करण्यात आले होते.यावेळी कार्यकर्त्यांनी आवश्यक साहित्य आंदोलनस्थळी आणले होते.याची माहिती शहर पोलिसांना मिळताच पोलीस आंदोलनास्थळी दाखल झाले.परवानगी नसताना आपण आंदोलन का करत आहात असा जाब विचारत आंदोलनातील साहित्य ताब्यात घेतले.
शहरातील जिल्हाधिकारी कार्यालय परिसरात सुरक्षेच्या दृष्टीने प्रशासनाने आंदोलन करण्यास बंदी घातली असून पर्यायी जागा म्हणून जेलरोड परिसरात परवानगी देण्यात आली आहे.असे असतांना येथे आंदोलन केल्याने धुळे शहर पोलिसांनी आंदोलन उठवले.
