बातमी कट्टा:- तरुणीचा धारदार तिक्ष्ण हत्याराने खून केल्याची खळबळजनक घटना दि 22 रोजी सायंकाळच्या सुमारास घडली आहे.तरुणीचा गळा चिरून खून करण्यात आला असून पोटात देखील वार करण्यात आल्याचे प्रथमदर्शनी पोलीसांना दिसून आले आहे. याप्रकरणी गुन्हा दाखल करण्यात आला आहे.
मिळालेल्या प्राथमिक माहिती नुसार धुळे शहरातील नकाणे रोड परिसरातील बालाजीनगर येथे निकीता कल्याण पाटील ही 22 वर्षीय तरुणी सांयकाळी घरात एकटी असतांना अज्ञात संशयिताने घरात घुसून निकीता पाटील हिच्या गळ्यावर धारदार शस्त्राने वार करत निकीता पाटील हिचा खून केला व घटनास्थळावरून संशयित फरार झाला घटनेची माहिती मिळताच घटनास्थळी पोलीस उप अधिक्षक सचिन हिरे यांच्या पोलीस पथक घटनास्थळी दाखल झाले. श्वानपथक व ठसे तज्ञांकडून तपास सुरू आहे. पश्चिम देवपूर पोलीस ठाण्यात गुन्हा दाखल करण्यात आली असून पोलीसांकडून संशयितांचा शोध सुरु झाला आहे.
