बातमी कट्टा:- शिरपूर नगर परिषद निवडणूक जशी अंतिम टप्प्यात धाव घेत आहे, तशी राजकीय वातावरण तापू लागले आहे.शिवसेनेकडून नगराध्यक्ष पदाचे उमेदवार हेमंत गुलाबराव पाटील प्रभाग क्रमांक 13 चे प्रभागातील नगरसेवक पदाचे उमेदवार थोरात गौतम ईश्वर, आणि अपक्ष महिला उमेदवार सौ.शोभा निंबा वाल्हे प्रभाग क्रमांक नऊ मधील शिवसेनेचे उमेदवार चौधरी कन्हैया बाबुराव आणि महिला उमेदवार मुसलमान शेख रुकसाना रफिक या सर्व उमेदवारांच्या प्रचारात प्रचार रॅली आयोजित करण्यात आली होती.
रॅलीला प्रभागातील नागरिकांचा मोठा प्रतिसाद मिळाला. रॅलीपूर्वी राष्ट्रपुरुषांच्या प्रतिमेस वंदन करून प्रचाराला सुरुवात झाल्याने उत्साह दुपटीने वाढला. विशेष म्हणजे महिला मतदारांचा सहभाग लक्षणीय होता, आणि हा सहभाग शिवसेनेच्या उमेदवारांसाठी राजकीय उर्जादायी ठरला. रॅलीदरम्यान नगराध्यक्ष पदाचे उमेदवार हेमंत पाटील यांनी महिलांशी थेट संवाद साधत मुख्यमंत्री असताना एकनाथ शिंदे यांनी सुरू केलेल्या ‘लाडकी बहीण योजने’चे महत्त्व अधोरेखित केले. तसेच शिरपूरच्या नागरिकांचे प्रलंबित प्रश्न नगरविकास खात्यातून सोडवण्याची हमी दिली. निवडणुकीच्या शेवटच्या दिवसात आरोप–प्रत्यारोपांचे सत्र अधिकच आक्रमक होण्याची शक्यता व्यक्त होत असून शहरातील राजकीय वातावरण तापत आहे.
