बातमी कट्टा:- मध्यप्रदेश राज्यातून महाराष्ट्रात खडी घेऊन जाणाऱ्या ट्रालाचा मुंबई-आग्रा राष्ट्रीय महामार्ग क्रमांक तीन वरील पळासनेर गावाजवळ भीषण अपघात घडला आहे.या अपघातात 10 ते 12 जण दगावल्याची शक्यता वर्तविण्यात येत असून काही जण गंभीर जखमी झाले आहेत. खडी वाहतूक करणाऱ्या ट्रालाचे ब्रेक फेल झाल्याने ट्राला थेट समोरील मोटरसायकली,कारसह समोरील हॉटेल मध्ये जाऊन धडकला आहे.घटनास्थळावरील सिसिटीव्ही व्हिडीओ व्हायरल झाला आहे.
मिळालेल्या प्राथमिक माहिती नुसार मुंबई आग्रा राष्ट्रीय महामार्गावर मध्यप्रदेश राज्यातून महाराष्ट्र राज्याकडे खडी घेऊन जाणाऱ्या आर जे 09 जिबी 9001 क्रमांकांच्या ट्रालाचा अचानक ब्रेक फेल झाल्याने भीषण अपघात झाला.यात ट्रालाने शिरपूर तालुक्यातील पळासनेर गावाजवळ रस्त्यालगत असलेल्या मोटरसायकली,कार व नागरिकांना धडकत थेट ट्राल हॉटेलला जाऊन धडकून पलट झाली.यात ट्राला पलटी झाल्याने खडीच्या ढिगाऱ्याखाली देखील काही जण अडकल्याची शक्यता वर्तविण्यात आले भीषण अपघातात 10 ते 12 जण दगावल्याची प्राथमिक माहिती प्राप्त झाली असून काही जण जखमी असल्याचे सांगण्यात आले आहे.
घटनेची माहिती मिळताच घटनास्थळी नागरिकांनी धाव घेत मदतकार्य सुरु करण्यात आली आहे घटनास्थळी महामार्ग पोलीस देखील दाखल झाले असून मदतकार्य सुरु आहे.मृत व जखमींना शिरपूर उपजिल्हा रुग्णालयात दाखल करण्यात येत आहे.शिरपूर उपजिल्हा रुग्णालयात देखील मोठ्या प्रमाणात नागरिकांना गर्दी केल्याचे दिसून येत आहे. घटनेतील मृत्यू व जखमींचा ठोस माहिती अद्याप मिळु शकलेली नाही.
