बातमी कट्टा:- रस्त्यावर पायी चालत असतांना भरधाव वेगाने येणाऱ्या वाहनाने धडक दिल्याने अपघातात गंभीर जखमी झालेल्या शिंदखेडा तालुक्यातील देवाचे विखरण येथील रहिवासीचा धुळे येथे उपचार सुरु असतांना उपचारादरम्यान मृत्यू झाल्याची घटना घडली आहे.
मिळालेल्या प्राथमिक माहिती नुसार शिंदखेडा तालुक्यातील देवाचे विखरण येथील रहिवासी संजय जयसिंग गिरासे हे काल दि 4 रोजी रात्री 9 वाजेच्या सुमारास सोनगीर – दोंडाईचा रस्त्यावर पायी चालत असतांना भरधाव वेगाने येणाऱ्या अज्ञात वाहनाने संजय गिरासे यांना धडक दिल्याची घटना घडली.घटनेची माहिती मिळाताच घटनास्थळी नागरिकांनी धाव घेत संजय गिरासे यांना गंभीर अवस्थेत विखरण येथील प्राथमिक आरोग्य केंद्रात उशीपचारासाठी दाखल करण्यात आले.मात्र गंभीर जखमी असल्याने संजय गिरासे यांना तातडीने धुळे येथे उपचारासाठी दाखल करण्यात आले होते.त्यांच्यावर उपचार सुरु असतांना संजय गिरासे यांची प्राणज्योत मालवली.
संजय गिरासे यांची हलाखीची परिस्थिती असून शेतीवर त्यांचा उदरनिर्वाह होता.अपघातात मृत्यू झाल्याची माहिती मिळताच सर्वत्र हळहळ व्यक्त होत आहे.
