बातमी कट्टा:- पुणे येथे कामाला असलेल्या तरुणाने मुंबई आग्रा राष्ट्रीय महामार्गावरील सावळदे तापी नदी पुलावरून आत्महत्या केल्याची घटना घडली आहे.तापी पुलावर मोटरसायकल, मोबाईल,बॅग व चप्पल मिळुन आली होती. काल दि 2 रोजी सकाळी त्या तरुणाचा मृतदेह तापी नदीपात्रात मिळून आला आहे.
मिळालेल्या प्राथमिक माहिती नुसार आज दि 29 रोजी दुपारच्या सुमारास मुंबई आग्रा राष्ट्रीय महामार्गावरील सावळदे तापी नदीपुलावर एम.एच 12 आर एच 8978 क्रमांकाची हिरो स्पेलंडर प्लस मोटरसायकल बेवारस उभी होती तर मोटरसायकली जवळ मोबाईल बॅग व चप्पल मिळुन आली होती.मोटरसायकल वरील व्यक्तीने तापी नदीत उडी घेऊन आत्महत्या केल्याचे प्रथमदर्शनी बघणाऱ्यांनी सांगितले होते.घटनेची माहिती मिळताच घटनास्थळी नागरिकांनी गर्दी केली होती.मोटरसायकल क्रमांकावरून तापी नदीत उडी घेणाऱ्या तरुणाची ओळख पटली होती.शिरपूर तालुक्यातील अर्थे येथील प्रमोद अरुन चव्हाण,वय 26 याने आत्महत्या केल्याचे समजल्याने घटनास्थळी नातेवाईकांकडून शोध सुरु होता.
शिरपूर तालुक्यातील अर्थे येथील प्रमोद अरुण चव्हाण वय 26 हा पुणे येथील सोनालीका ट्रॅक्टर कंपनीत कामाला होता. तो पुणे येथून मोटरसायकलीने मुंबई आग्रा राष्ट्रीय महामार्गावरील शिरपूर तालुक्यातील सावळदे येथील तापीनदी पुलावर येऊन मोटरसायकल,मोबाईल,बॅग व चप्पल सोडून तापी नदीपात्रात उडी घेतली होती.काल दि 2 जून रोजी सकाळी तापी नदीपात्रात प्रमोद चव्हाण याचा मृतदेह मिळून आला आहे.
