बातमी कट्टा:- बिजासन घाटात खाजगी प्रवासी लक्झरी बसला मालट्रकने धडक दिल्याने भीषण अपघात होऊन लक्झरी बस उलटल्याने १६ प्रवासी जखमी झाल्याची घटना काल दि 7 रोजी घडली.यातील ८ गंभीर जखमी प्रवाशांना उपचारासाठी बडवाणी जिल्हा रुग्णालयात दाखल करण्यात आले.
मुंबई आग्रा राष्ट्रीय महामार्गावर बिजासन घाटातील वळणावर दि ७ रोजी सकाळी खाजगी प्रवासी लक्झरी बस.क्र आर.जे.३६ पीए.२९२९ राजस्थान राज्यातील सीकर येथून प्रवासी घेऊन पुण्याच्या दिशेने जात असताना बिजासण घाटातील उतारावर गतिरोधक असल्याने खाजगी लक्झरी बस चालकांनी अचानक ब्रेक लावल्याने मागुन भरधाव वेगाने येणाऱ्या एच.आर.७४ ए.३७२४ क्रमांकाच्या मालट्रकने मागुन जोरदार धडक दिली.यात लक्झरी बस उलटल्याने भीषण अपघात घडला मोठा आवाज झाल्याने परिसरातील ग्रामस्थ मदतीसाठी धाऊन आले त्यांनी लागलीच बसमधून जखमी होऊन आडकलेल्या १६ प्रवासींना सेंधवा येथील रुग्णालयात उपचारासाठी पाठवले यातील ८ प्रवाशांची प्रकृती गंभीर असल्याने त्याना बडवाणी येथील जिल्हा रुग्णालयात दाखल करण्यात आले आहे.घटनास्थळी वाहतूक पुर्णपणे ठप्प झाली होती बिजासन पोलीस घटनास्थळी दाखल होऊन काही काळानंतर वाहतूक सुरळीत करण्यात आली.याबाबत बिजासन पोलीस ठाण्यात अपघाताची नोंद करण्यात आली आहे.
