बातमी कट्टा:- मुंबई आग्रा राष्ट्रीय महामार्ग क्रमांक तीन वर भरधाव येणाऱ्या ट्रक आणि मोटरसायकलीचा भीषण अपघात झाला. या अपघातात ट्रकने माय लेकाला चिरडल्याने दोघांचा मृत्यू झाल्याची घटना आज दि 5 रोजी दुपारी घडली आहे.
मध्यप्रदेश राज्यातील वरला तालुक्यातील कुंडीया येथील रहिवासी राला खुमाण गोथरे हे त्यांच्या कुटूंबासह मालेगाव जवळील उमराना येथे मजूरी काम करत होते.आज दि 5 रोजी राला गोथरे हे पत्नी राधा राला गुथरे वय 27 व मुलगा आदित्य राला गुथरे यांच्या सोबत एम.पी 46 एम एस 9996 क्रमांकाच्या मोटरसायकलीने उमराना येथून आपल्या मुळगावी कुंडीया ता.वरला येथे जात असतांंना मुंबई आग्रा राष्ट्रीय महामार्ग क्रमांक तीन वर सावळदे गावापुढे शिरपूरच्या दिशेने जाणाऱ्या एम.पी.07 एचबी 46 52 या भरधाव ट्रकने मोटरसायकलीला धडक देत मुलगा आदित्य व त्याची आई राधा गुथरे यांना चिरडल्याने आदित्य याचा जागीच मृत्यू झाला आहे तर आई राधा गुथरे यांचा धुळे येथे उपचारासाठी घेऊन जात असतांना मृत्यू झाला आहे.
घटनेची माहिती मिळाल्यानंतर घटनास्थळी सावळदेचे सचिन राजपूत यांच्यासह नागरिकांनी व टोलनाका येथील कर्मचारींनी घटनास्थळी धाव घेत मदतकार्य सुरु केले होते. माय लेकाचा मृत्यू झाल्याने हळहळ व्यक्त होत आहे.ट्रक शिरपूर पोलीस स्टेशन येथे जमा करण्यात आले आहे.
