बातमी कट्टा:- भरधाव डंपरने समोर चालणाऱ्या मोटरसायकलीला धडक देत मोटरसायकलवरील दोघांना चिरडल्याची घटना आज दि 4 रोजी दुपारी 12 वाजेच्या सुमारास घडली आहे.या अपघात दोघांचा जागीच मृत्यू झाला आहे.जावई व चुलत सासरे दोघांचा मृत्यू झाला आहे.
मिळालेल्या माहिती नुसार शिरपूर बोराडी रस्त्यावर आज दि 4 रोजी दुपारी 12 वाजेच्या सुमारास भीषण अपघात घडला असून यात मोटरसायकलवरील दोघांचा जागीच मृत्यू झाला आहे.शहादा येथील अमृत बोरसे मुळगाव कळंबु वय 50 व नामदेव तुकाराम पाटील रा.मलफा ता.पानसमल हे दोघेही जण मोटरसायकलीने बोराडीमार्गे शिरपूरकडे येत असतांना बोराडी नांदर्डे गावादरम्यान घाटाच्या खाली भरधाव डंपरने मोटरसायकलीला मागून धडक देत दोघांना चिरडल्याची घटना घडली यात नामदेव पाटील व अमृत बोरसे या दोघांना जागीच मृत्यू झाला.
दोघांना शिरपूर उपजिल्हा रुग्णालयात शवविच्छेदनासाठी दाखल करण्यात आले.शिरपूर उपजिल्हा रुग्णालयात दोन्ही मृतांच्या नातेवाईकांनी आक्रोश केला.अमृत दयाराम पाटील हे शिरपूर कळमसरे येथील आयटीआय हायस्कूल येथे शिक्षक म्हणून कार्यरत होते.नामदेव पाटील हे अमृत बोरसे यांचे चुलत सासरे होते.
