बातमी कट्टा:- भरधाव वाहनाने दिलेल्या धडकेत बिबट्याचा जागीच मृत्यू झाल्याची घटना काल दि 15 रोजी रात्रीच्या सुमारास घडली आहे.घटनास्थळी मोठ्या प्रमाणात ये जा करणाऱ्या प्रवासींनी गर्दी केली होती.रस्ता ओलांडत असतांना बिबट्याचा मृत्यू झाल्याचे उपस्थितांनी सांगितले.
सुरत नागपूर महामार्गावरील साक्री तालुक्यातील माहीर गावाजवळ रात्री 8:30 वाजेच्या सुमारास वैभवराज हॉटेलजवळ बिबट्या रस्ता ओलांडत असतांना भरधाव अज्ञात वाहनाने बिबट्याला जोरदार धडक दिली.या धडकेत बिबट्याचा जागीच मृत्यू झाला.या घटनेनंतर ये जा करणाऱ्या प्रवासींनी मोठ्या प्रमाणात गर्दी केली होती.रात्री उशिरापर्यंत वनविभागाचे अधिकारी व कर्मचारी मात्र घटनास्थळी दाखल झाले नव्हते.
