बातमी कट्टा:- बस आणि मोटरसायकलीचा भीषण अपघातात घडला असून या अपघातात पत्नी-पत्नीचा मृत्यू झाल्याची दुर्देवी घटना घडली आहे.आज सकाळी 10:30 वाजेच्या सुमारास अपघाताची घटना घडली आहे.
मिळालेल्या प्राथमिक माहिती नुसार निमगुळ दोंडाईचा रस्त्यावर निमगुळ गावापासून दोंडाईचा कडे जातांना नंदुरबार ता.ओसर्ली येथील रविंद्र मुकुंदर गिरासे वय 60 व उजनबाई रविंद्र गिरासे वय 50 रा. ओसर्ली हे दोघे पती पत्नी एम एच 05 ए एल 260 क्रमांकांच्या मोटरसायकलीने बाजार करण्यासाठी दोंडाईचा कडे जात असताना एम एच 20 बी एल 4045 क्रमांकाची धुळे-बडोदा बस व मोटरसायकलीची धडक झाली.या भीषण अपघातात दोघेही पती पत्नी हे गंभीर जखमी झाले होते.त्यांना उपस्थितांनी मदतकार्य करत दोंडाईचा उपजिल्हा रुग्णालयात दाखल केले असता वैद्यकीय अधिकारी यांनी तपासून दोघांना मृत घोषित केले आहे.घटनेची माहिती मिळताच पोलीस उपनिरीक्षक सचिन गायकवाड, दिनेश मोरे यासह पोलीस कर्मचारी उपस्थित होते.अपघाताची माहिती मिळताच दोंडाईचा उपजिल्हा रुग्णालयात मोठ्या प्रमाणात नागरीकांनी गर्दी केली होती.
