बातमी कट्टा:- मुंबई आग्रा राष्ट्रीय महामार्ग क्रमांक तीनवरील बिजासण घाटात मध्यप्रदेश परिवहन मंडळाच्या बसचा भीषण अपघात झाल्याची घटना आज दि 1 रोजी सकाळी 10:30 वाजेच्या सुमारास घडली.ब्रेकफेल ट्रकने बसला मागून धडक दिल्याने बस रस्त्यावर पलटली असून या अपघातात दोन जणांचा मृत्यू तर 30 हुन अधिक प्रवासी जखमी झाले आहेत.
मिळालेल्या प्राथमिक माहिती नुसार मध्यप्रदेश महाराष्ट्र सिमेवरील मुंबई आग्रा राष्ट्रीय महामार्ग क्रमांक तीनवरील बिजासण घाटात मध्यप्रदेश परिवहन विभागाची इंदौर नाशिक बस शेंधवाहून शिरपूरच्या दिशेने जात असतांना मागून येणाऱ्या भरधाव ट्रकचा ब्रेक फेल झाल्याने भरधाव ट्रकने बसला मागून धडक दिली.अपघातानंतर बस रस्त्यावर पलटली.अपघाताची माहिती प्राप्त होताच घटनास्थळी बिजासण पोलीस प्रशासन घटनास्थळी दाखल झाले.उपस्थित नागरिकांच्या मदतीने जखमींना शेंधवा ग्रामीण रुग्णालयात दाखल करण्यात आले. अपघातात दोन जणांचा मृत्यू तर बस मधील 30 हून अधिक प्रवासी जखमी झाले आहेत.अपघातानंतर काही वेळ वाहतूक थप्प झाली होती.
