बातमी कट्टा:-मित्रांसोबत पोहण्यासाठी गेलेल्या 21 वर्षीय तरुणाचा हाडाखेड तलावात बुडून मृत्यू झाल्याची घटना काल दि 15 रोजी रात्रीच्या सुमारास घडली आहे.डॅममध्ये पोहत असतांना मासे पकडण्यासाठी टाकण्यात आलेल्या जाळ्यात अडकल्याने पाण्यात बुडून मृत्यू झाला आहे.
मिळालेल्या प्राथमिक माहिती नुसार शिरपूर येथील दादुसिंग कॉलनी परिसरात राहणाऱ्या हिमांशू शरद चौधरी मुळगाव जापोरा ता.शिरपूर हा आपल्या मित्रांसोबत शिरपूर तालुक्यातील हाडाखेड पासून दोन ते तिन किमी लांब असलेल्या डॅममध्ये दुपारी पोहण्यासाठी गेला होता. पाण्यात पोहत असतांना हिमांशू चौधरी हा पाण्यात मासे पकडण्यासाठी पसरवलेल्या जाळ्यात अडकल्याने पाण्यात बुडाला.तो बुडाल्याचे समजताच मित्रांनी आरडाओरड केली.त्याला वाचविण्याचा प्रयत्न केला.मात्र तो पुर्णपणे पाण्यात बुडाला होता.त्याच्या मित्रांनी घटनेबाबत हिमांशूच्या वडीलांना माहिती दिली. त्याचा तात्काळ पाण्यात शोध सुरु असतांना रात्रीच्या सुमारास त्याचा मृतदेह मिळून आला.हिमांशू चौधरी याची काही महिन्यांपूर्वी राष्ट्रीय संरक्षण अकादमी (एनडीए) मध्ये निवड झाली होती.तो सुट्यांमध्ये शिरपूर येथे आला होता.दहिवद येथील सामाजिक कार्यकर्ते मयूर राजपूत यांच्यासह सहकार्यांनी हिमांशूचा मृतदेह रात्री शिरपूर उपजिल्हा रुग्णालयात दाखल केला.या घटनेमुळे सर्वत्र हळहळ व्यक्त होत आहे.
