बातमी कट्टा:- पाचशे हजार रुपयांसाठी मोटरसायकली चोरी करणाऱ्या संशयिताला मध्यप्रदेश येथून पोलीसांनी शिताफीने ताब्यात घेतले आहे.त्याच्या ताब्यातून औरंगाबाद नाशिकसह धुळेसह पिंपळने व शिरपूर येथील मोटारसायकली चोरी केल्याचे उघड झाले आहे.त्याच्याकडून 12 मोटारसायकली ताब्यात घेण्यात आले आहे.
मिळालेल्या प्राथमिक माहिती नुसार दि 13 फेब्रुवारी रोजी सायंकाळी ते दि 14 फेब्रुवारी रोजी सकाळी 7 वाजेदरम्यान शिरपूर येथील हेमंत काळु खैरणार यांची हुलेसिंग नगर करवंद नाका येथुन होंडा कंपनीची सी.बी.युनिकॉन मोटरसायकल चोरी झाल्याची फिर्याद शिरपूर शहर पोलीस स्टेशनात नोंद करण्यात आली होती. त्या गुन्ह्यातील मोटारसायकल चोरीच्या चौकशी साठी पोलीस निरीक्षक रवींद्र देशमुख यांच्या मार्गदर्शनाखाली शोध पथकाने मोटरसायकल चोरट्यांचा शोध घेत असतांना शोध पथकाने विकास चंपालाल बरडे (पावरा) या 20 वर्षीय संशयिताला मध्यप्रदेश राज्यातील अंजंगाव ता.शेंधवा जि.बडवाणी याला ताब्यात घेतले असता त्याने चोरी केलेल्या 12 मोटारसायकलींची माहिती दिली. पोलीसांनी चोरी केलेल्या 12 मोटारसायकली ताब्यात घेतले आहे.यातील चार मोटारसायकली शिरपूर येथून तर एक औरंगाबाद व एक नाशिक येथून चोरी केल्यिचे उघड झाले आहे. काही मोटरसायकलींबाबत पोलीसांकडून चौकशी सुरु आहे.
सदरची पोलीस निरीक्षक पोलीस निरीक्षक रवींद्र देशमुख,सा.पोलीस निरीक्षक गणेश फड,किरण बार्हे,संदिप मुरकुटे,शोध पथकातील ललित पाटील, लादचराम चौधरी,गोवींद कोळी, विनोद अखडमल,प्रविण गोसावी,मुकेश पावरा व प्रशांत पवार आदींनी सदरची कारवाई केली आहे.
