बातमी कट्टा :- मौजमजेसाठी घरफोडी व चोरी करणाऱ्या एका संशयितांसह तीन विधीसंघर्ष बालकांना पिंपळनेर पोलीस स्टेशनचे सा.पोलीस निरीक्षक सचिन साळुंखे यांच्या पथकाने शिताफीने ताब्यात घेतले आहे. काही दिवसांपूर्वी सामोडे येथे एकाच रात्रीत पाच घरांना यांनी टार्गेट केले होते.या कारवाई मुळे सा.पोलीस निरीक्षक सचिन साळुंखे यांचे परिसरात कौतुक होत आहे.
दिनांक ३१ डिसेंबर रोजी पिंपळनेर शहरातील हरीओम नगर येथील श्री दिलीप आंनदा महाजन यांचे राहते घरी बंदा घराचे कुलूप तोडुन घरफोडी चोरी केल्याने पिंपळनेर पोलीस स्टेशन येथे गुन्हा दाखल करण्यात आला होता. तसेच सामोडे गावात दिनांक ०९ रोजीचे रात्री ०९ ते दिनांक १० रोजी सकाळी ७ वा दरम्यान एकाच रात्रीत ५ ठिकाणी वेगवेगळया बंद घरात चोरीचा प्रकार झालेला होता. त्याबाबत पिंपळनेर पोलीस स्टेशन येथे दिनांक १३ रोजी तक्रारदार किरण विलास घरटे वय २८ धंदा शेती रा सामोडे ता साक्री यांनी तक्रार दिल्याने गुन्हा दाखल करण्यात आला होता.
पिंपळनेर पोलीस स्टेशन येथे सन २०२३ सुरुवातीच्या महिन्यात घरफोडीचोरी करणारी टोळीने पिंपळनेर शहर, तसेच सामोडे गाव परिसरात बंद घरांना टार्गेट केले होते.यामुळे ग्रामस्थांमध्ये भितीचे वातावरण निर्माण झाले होते. सदर मालमत्ते संदर्भात दाखल गुन्हयाची गांभीर्य लक्षात घेता पोलीस अधीक्षक संजय बारकुड,अपर पोलीस अधिक्षक किशोर काळे यांनी सदर गुन्हे तात्काळ उघडकीस आणणे तसेच मालमत्तेचे गुन्हे प्रतिबंध होणे बाबत विशेष सुचना दिलेल्या होत्या. त्या अनुषंगाने पिंपळनेर पोलीस स्टेशनच्या हद्दीत सदर गुन्हे उघडकीस आणणे करीता सा.पोलीस निरीक्षक सचिन साळुंखे यांनी विशेष पथक नेमले होते. रात्रगस्त पेट्रोलींग सक्तपणे करुन गुन्हयांना आळा बसावा यासाठी अतिरिक्त पोलीस अंमलदार नेमण्यात आले होते.
सदर दाखल गुन्हयांचे तपासाचे अनुषंगाने पेट्रोलींग करीत असतांना मिळालेल्या गोपनीय माहीतीच्या आधारे संशयित रुपेश शशी पवार वय १८ वर्ष ३ महिने याचे सोबत ३ विधीसंघर्षग्रस्त बालकांना पोलीसांनी ताब्यात घेतले होते. त्यांना विश्वासात घेवुन वरील गुन्हयाबाबत सखोल चौकशी केली असता त्यांनी सदर गुन्हे केल्या बाबतची कबुली दिली आहे. त्यांच्याकडून गुन्हयातील २५ हजार रुपयेचा मुददेमाल हस्तगत करण्यात आला आहे.मौजमजा करण्यासाठी घरफोडी व चोरी केल्याचे त्यांनी कबुल केले आहे.
या गुन्हयाच्या तपासात वरील तिनही विधीसंघर्षीत बालक यांना ताब्यात घेण्यात आले असुन मा. बाल न्यायालय धुळे येथे हजर करण्यात आले. तसेच संशयित रुपेश शशी पवार रा पिंपळनेर यास अटक करण्यात आली असुन साथीदार पवन ऊर्फ पांग्या उत्तम भवरे यांचा शोध घेणे सुरु आहे. सदर गुन्हयाच्या तपासा मध्ये इतर मालमत्ते संदर्भातील इतर गुन्हे उघडकीस येण्याची दाट शक्यता आहे.
सदरची कारवाई पोलीस अधीक्षक संजय बारकुंड, अपर पोलीस अधीक्षक किशोर काळे ,उपविभागीय पोलीस अधिकारी प्रदिप मैराळे यांच्या मार्गदर्शनाखाली सहा.पो. निरीक्षक सचिन साळुंखे,पोसई / बी. एम मालचे, असई / बी.आर पिंपळे, पोहेकॉ / कांतिलाल अहिरे, पोना/प्रकाश मालचे, पोकों/हेमंत पाटोळे, पोकॉ/ राकेश बोरसे, चालक पोकों / रविंद्र सुर्यवंशी, चालक पोकों / पकज वाघ, पोकों/विजयकुमार पाटील, पोकॉ/ सोमनाथ पाटील, चालक पोकों / नरेंद्र परदेशी आदींनी केली आहे.
