बातमी कट्टा:- मुंबई – आग्रा राष्ट्रीय महामार्गावर काल दि 11 रोजी सायंकाळी गॅस टँकर पलटी झाल्याने प्रोपेन हा अत्यंत ज्वलनशील गॅसची गळती सुरु झाली.शहरालगच्या रहिवासी भागातच गॅस गळती सुरु झाल्याने प्रशासनाची चिंता वाढली आहे.रात्रभरापासून या ठिकाणी वाहतूक शाखेचा बंदोबस्त तैनात करण्यात आला आहे.17 हजार लिटर गॅस यात असल्याचे सांगण्यात येत आहे.
मुंबई-आग्रा महामार्गावर धुळे शहरालगत मुंबईहून धुळेकडे जाणाऱ्या प्रोपेन गॅस टँकरचा अपघात झाल्याने त्यातून गॅस गळती सुरु झाली.शहरालगतच्या रहिवासी भागातच रात्रभर पासून येथे गॅस गळती सुरू असल्याने प्रशासनाची चिंता वाढली आहे.अत्यंत ज्वलनशील अशा या प्रोपेन गॅसच्या गळतीमुळे परिसरातील नागरिकांना सतर्कतेचा इशारा देण्यात आलेला आहे.मुंबई-आग्रा महामार्गावरील वाहतूकही पर्यायी मार्गाने वळविण्यात आलेली आहे.रात्रभर पासून या ठिकाणी वाहतूक शाखेचा बंदोबस्त तैनात करण्यात आलेला आहे. कुठलीही अप्रिय घटना घडू नये यासाठी काळजी घेतली जात आहे.मुंबई आणि जळगाव येथील अभियंत्यांचे पथक हा प्रोपेन गॅस दुसर्‍या टँकरमध्ये भरण्यासाठी शर्थीचे प्रयत्न करत आहे.गळती होत असलेल्या टँकरमधून अन्य टँकरमध्ये हा प्रोपेन गॅस पूर्णपणे भरला जात नाही तोवर परिसरातील दोन किलोमीटर परिघात धोका हा कायम राहणार असून दुपारी पर्यंत सर्व सुरळीत राहिले तर प्रोपेन गॅस हा सुरक्षितपणे दुसऱ्या टँकर मध्ये भरला जाईल आणि परिसर सुरक्षित होईल असे सांगण्यात येत आहे.
