बातमी कट्टा:- लग्न कार्य आटोपून घरी जाणाऱ्या क्रुझर वाहनाला वाळूने भरलेल्या भरधाव ट्रॅक्टरने धडक दिल्याची घटना आज दि 27 रोजी दुपारी घडली आहे. यात एक गंभीर जखमी झाला असून ईतर प्रवासी सुखरूप आहेत.
मिळालेल्या प्राथमिक माहिती नुसार आज शिंगावे शिवारातील नारायण नगर येथे विवाह समारंभ होता.विवाह समारंभ आटोपून 10 ते 12 नाटेवाईक एमएच 19 बीयु 6437 क्रमांकाच्या क्रुझर वाहनाने शहादाकडे जात असतांंना शिरपूर चोपडा रस्त्यावर दुपारी टेकवाडे फाटा येथे वाळूने भरलेल्या भरधाव ट्रॅक्टरने क्रुझरला धडक दिली.यात वाहनातील दिनेश अशोक अहिरे रा.तळोदा यांना गंभीर दुखापत झाली तर ईतर प्रवासी सुदैवाने बचावले.घटनास्थळी नागरिकांनी धाव घेतली यावेळी अपघातानंतर ट्रॅक्टर चालक घटनास्थळावरून फरार झाला.जखमीला शिरपूर उपजिल्हा रुग्णालयात दाखल करण्यात आले.गंभीर दुखापत असल्याने पुढील उपचारासाठी धुळे रवाना करण्यात आले आहे.
