बातमी कट्टा:-वाळू वाहतूक करणाऱ्या ट्रॅक्टरने महिलेला चिरडल्याची घटना काल दि 21 रोजी दुपारच्या सुमारास घडली आहे. अपघातात महिलेचा मृत्यू झाला.या घटनेनंतर संतप्त जमावाने ते ट्रॅक्टर पेटवून टाकले.
मिळालेल्या प्राथमिक माहिती नुसार काल दि 21 रोजी अर्थे बु येथील कांतीलाल शिरसाठ हे पत्नी मालतीबाई शिरसाठ यांच्यासोबत शिंदखेडा येथे मोटरसायकलीवर गेले होते. दुपारी 4 वाजेच्या सुमारास मोटरसायकलीने परत येत असतांनाच गिधाडे ते बाळदे रस्त्यादरम्यान भरधाव अवैध वाळू वाहतूक करणाऱ्या ट्रॅक्टरने कांतीलाल शिरसाठ यांच्या मोटरसायकलीला धडक दिली. मोटरसायकलीवरून मालतीबाई शिरसाठ खाली पडल्यानंतर ट्रॅक्टरखाली चिरडले गेल्याने गंभीर जखमी अवस्थेत त्यांना तात्काळ उपचारासाठी शिरपूर रवाना केले.अपघाताची माहिती मिळताच नागरिक घटनास्थळी धाव घेतली.यावेळी संतप्त जमावाने वाळू ट्रॅक्टर पेटवून टाकले.
