बातमी कट्टा:- शेतात मशागतीचे काम करतांना विज कोसळल्याने शेतकऱ्याचा जागीच मृत्यू झाल्याची दुर्दैवी घटना दि १३ रोजी घडली आहे.शिरपूर तालुक्यातील ताजपूरी येथील शेतकरी नथ्थू हारचंद्र सनेर यांचा मृत्यू झाला आहे.
मिळालेल्या प्राथमिक माहितीनुसार शिरपूर तालुक्यातील ताजपूरी गावातील शेतकरी नथ्थू हारचंद्र सनेर हे आपल्या आढे शिवारातील शेतात मशागतीचे काम करत होते.काम करतांना नथ्थू सनेर पाणी पिण्यासाठी खाली बसले असतांना विज कोसळली.यात नथ्थू सनेर यांचा जागीच मृत्यू झाला. थाळनेर येथील रुग्णालयात दाखल करण्यात आले.यावेळी डॉक्टरांनी तपासणी करुन मृत घोषित केले.या घटनेमुळे गावात शोककळा पसरली आहे.
