शिरपूरात प्रभाग 14 मध्ये शिवसेनेची प्रचार रॅली

बातमी कट्टा:- शिरपूर-वरवाडे नगर परिषद निवडणुकीचा प्रचार आता अंतिम टप्प्यात असून विविध पक्षांच्या उमेदवारांकडून जनसंपर्काचा जोरदार कार्यक्रम राबवला जात आहे. याच अनुषंगाने प्रभाग क्रमांक 14 मध्ये उपमुख्यमंत्री एकनाथ शिंदे यांच्या शिवसेना पक्षाच्या प्रचार रॅलीचे आयोजन करण्यात आले होते.

शहरातील वरवाडे व मुख्य बाजारपेठेचा समावेश असलेल्या या महत्त्वाच्या प्रभागात शिवसेना शिंदे गटाचे अधिकृत नगराध्यक्ष पदाचे उमेदवार हेमंत पाटील, तसेच प्रभागातील उमेदवार मनोज रामदास चव्हाण आणि महिला उमेदवार माळी लताबाई भिवसन यांच्या नेतृत्वाखाली रॅली काढण्यात आली.

रॅली दरम्यान शिवसेना उमेदवारांनी घरोघरी जाऊन मतदारांचे आशीर्वाद घेतले. प्रभागातील प्रमुख मंदिरांमध्ये पूजा-अर्चा करून विजयासाठी देवदर्शन घेतले. तसेच विविध महापुरुषांच्या प्रतिमांना पुष्पहार अर्पण करून त्यांच्यापासून प्रेरणा घेत प्रचाराची सुरुवात करण्यात आली.

यावेळी उमेदवारांनी थेट जनतेचा हात हातात घेऊन त्यांच्या भावनांना साद घातली. सर्वसामान्यांच्या न्याय आणि हक्कांसाठी लढणाऱ्या कार्यकर्त्यांना सत्तेत स्थान मिळावे, असा संदेश देत मतदारांशी आत्मीयतेने संवाद साधण्यात आला. प्रचार रॅली शहरातील मुख्य बाजारपेठेतून जात असताना व्यापारी बांधवांनी उमेदवारांचे स्वागत केले. रस्त्यावरील सर्वसामान्य दुकानदार आणि फूटपाथवरील विक्रेत्यांशीही समस्या समजून घेत संवाद साधण्यात आला.

प्रचार रॅली शहरातील मुख्य बाजारपेठेतून जात असताना व्यापारी बांधवांसह रस्त्यावरील सर्वसामान्य दुकानदार आणि फूटपाथवरील विक्रेत्यांशीही समस्या समजून घेत संवाद साधण्यात आला.

या रॅलीत तरुणांचा आणि महिलांचा मोठा सहभाग पाहायला मिळाला. यावेळी “निवडणूक हा परिवर्तनाचा क्षण असून जनतेच्या पाठिंब्याने विकासाचा नवा अध्याय सुरू करू,” असा आशावाद हेमंत पाटील यांनी व्यक्त केला. या शहराच्या जरी विकास झाला असला तरी सर्वसामान्य माणसाला केंद्रबिंदू म्हणून त्याच्या जीवनात विकास आणण्याचे काम भविष्यात आपल्याला करायचे आहे असे आश्वासन त्यांनी दिले.

WhatsApp
Follow by Email
error: