बातमी कट्टा:– क्षत्रिय राजपूत समाजाच्या वतीने राष्ट्रगौरव महाराणा प्रतापसिंहजी यांची ९ जून रोजी ४८७ वी जयंती शिरपूरात साजरी करण्यात येणार आहे.यावेळी भव्य मिरवणूकीसह व्याख्यानाचे आयोजन करण्यात आले आहे.
शिरपूर शहर व तालुका क्षत्रिय राजपूत समाजातर्फे शिरपूर येथे दि ९ रोजी महाराणा प्रतापसिंहजी यांची जयंती साजरी करण्यात येणार आहे.दि ९ रोजी दुपारी क्रांतीनगर येथून मिरवणूकीला सुरुवात होणार असून दादूसिंग कॉलनी येथील इंद्रसिंग भाऊसाहेब मेमोरियल हॉल येथे मिरवणूकीची सांगता होऊन येथे व्याख्यानाचे आयोजन करण्यात आले आहे.राष्ट्रगौरव महाराणा प्रतापसिंह यांची जयंती मोठ्या उत्साहात साजरी व्हावी यासाठी उत्सव समितीच्या वतीने तयारी सुरु आहे.महाराणा प्रतापसिंह यांच्या जयंतीसाठी मिरवणूकीत व व्याख्यानाच्या कार्यक्रमात जास्तीत जास्त संख्येने उपस्थित रहाण्याचे आव्हान उत्सव समितीच्या वतीने करण्यात आली आहे.
