बातमी कट्टा:- प्रियदर्शिनी सहकारी सुतगिरीणीच्या गोडाऊनला आग लागल्याची घटना दि 27 रोजी रात्री 8 वाजेच्या सुमारास घडली.या आगीत गोडाऊन मधील संपूर्ण साहित्य जळून खाक झाले आहे.धुळे अग्निशमन बंबाच्या दोन शिरपूर येथील अग्निशमन बंब घटनास्थळी दाखल झाले होते रात्री उशिरापर्यंत आग आटोक्यात आणण्याचा प्रयत्न सुरु होता.
काल दि 27 रोजी रात्री 8 वाजेच्या सुमारास शिरपूर तालुक्यातील तांडे परिसरातील चोपडा रस्त्यावर असलेल्या प्रियदर्शिनी सहकारी सुतगीरीणीच्या गोडाऊनला भीषण आग लागल्याची घटना घडली आहे.ही आग ईतकी भीषण होती की यात संपूर्ण साहित्य जळून खाक झाले.घटनेची माहिती प्राप्त होताच थाळनेर पोलीस स्टेशनचे पथक घटनास्थळी दाखल झाले होते.आग आटोक्यात आणण्यासाठी शिरपूर नगरपरिषदेच्या अग्निशमन बंब घटनास्थळी दाखल झाले होते तर धुळे येथून देखील दोन अग्निशमन बंब घटनास्थळी पोहचून आग आटोक्यात आणण्याचा प्रयत्न करण्यात आला.सदर आग रात्री उशीरापर्यंत आटोक्यात आली नव्हती. अग्निशमन बंबाचे आग विझविण्यासाठी अथक प्रयत्न सुरु होते.याबाबत कार्यवाही सुरु आहे.
