बातमी कट्टा:- शिरपूर येथे 67 वर्षीय व्यक्तीचा संशयास्पद अवस्थेत मृतदेह आढळून आला आहे.घटनास्थळी मोठ्या प्रमाणात रक्तश्राव झाल्याचे प्रथमदर्शनी दिसून येत असून बंद दुकानाच्या ओट्यावर मृत अवस्थेत मृतदेह आढळून आला आहे.
शिरपूर शहरातील वाल्मिक नगर येथील रमेश लहु कोळी वय 67 वर्षीय या व्यक्तीचा मांडळ रोडवर संशयास्पद मृतदेह आढळून आला आहे. आज दि 8 रोजी सकाळच्या सुमारास सकाळी 6 ते 7 वाजेच्या सुमारास रमेश कोळी यांचा एका बंद दुकानाच्या ओट्यावर मृतदेह आढळून आला आहे. घटनास्थळी मोठ्या प्रमाणात रक्तश्राव झाल्याचे प्रथमदर्शनी दिसून आले आहे. घटनेची माहिती मिळताच घटनास्थळी शिरपूर शहर पोलीसांनी धाव घेत चौकशी करण्यात आली.रमेश कोळी यांचा अपघातात मृत्यू झाला की खून झाला याबाबत तपास सुरु असून मृतदेह शिरपूर उपजिल्हा रुग्णालयात दाखल करण्यात आला आहे. घटनेची माहिती सर्वत्र पसरताच शिरपूर उपजिल्हा रुग्णालयात मोठ्या प्रमाणात गर्दी झाली आहे.
