बातमी कट्टा:- मुंबई- आग्रा राष्ट्रीय महामार्गावर मोटरसायकल आणि ट्रकचा भीषण अपघात घडला असून यात दोन जण ठार झाले तर एक 5 वर्षीय मुलगा गंभीर जखमी झाला असून धुळे येथे दाखल करण्यात आले आहे.
मिळालेल्या प्राथमिक माहिती नुसार मुंबई-आग्रा राष्ट्रीय महामार्गावर सांगवी गावाजवळील बोराडी फाटा येथे अपघात घडला आहे.मोटरसायकलीने सांगवीकडून करणसिंग सखाराम पावरा वय 30 हातेडपाडा,सावंन संभु पावरा वय 18 वय आसरापाणी पाडा व अमित करणसिंग पावरा वय 5 वर्ष हे एका मोटारसायकलीने आसरापाणी येथे येत असतांना आर.जे 09 जि.सी 3871 या ट्रकने मोटरसायकलीने धडक देऊन चिरडल्याची घटना घडली.घटनास्थळावरुन तिघांना जखमी अवस्थेत शिरपूर उपजिल्हा रुग्णालयात दाखल करण्यात आले. यावेळी करणसिंग सखाराम पावरा वय 30 रा हातेड पाडा व सावंन शंभु पावरा वय 18 रा. आसरापाणी या दोघांचा मृत्यू झाला तर अमित करणसिंग पावरा वय 5 हा गंभीर जखमी झाला असून शिरपूर उपजिल्हा रुग्णालयातून धुळे येथे उपचारासाठी दाखल करण्यात आले आहे.पुढील कार्यवाही सुरु असुन सांगवी पोलीस स्टेशनचे कर्मचारी दाखल झाले आहेत.
