बातमी कट्टा:- शिरपूर तालुक्यातील गीधाडे तापी नदीपुलावरुन शहादा तालुक्यातील लोंढरे येथील पती पत्नी व मुलगा या तिघांनी आत्महत्या केल्याची घटना घडली होती.घटनास्थळी मोटरसायकलीच्या मध्ये सुसाईड नोट मिळुन आली होती. आता याबाबत आत्महत्येस प्रवृत्त केल्याप्रकरणी मयत मुलाच्या पत्नी व तिची आईने या दोन महिलांविरुद्ध गुन्हा दाखल करण्यात आला असून दोघांना अटक करण्यात आली आहे.
दि 22 जूलै रोजी दुपारी 3 वाजेच्या सुमारास शिरपूर तालुक्यातील गिधाडे तापी नदी पुलावरुन एक महिला व दोन पुरुषांनी तापी नदीत आत्महत्या केल्याची घटना घडली होती.यावेळी गिधाडे तापी पुलावर एक विषारी औषधाची बाटली व एम.एच 18 .8334 क्रमांकाची बॉक्सर मोटरसायकल व चपल्ला आढळून आले होते. मोटरसायकली मध्ये सुसाईड नोट प्राप्त झाली होती.मात्र आत्महत्या करणारे कोण याचा काही एक तपास लागत नव्हता घटनास्थळी शिंदखेडा पोलीस स्टेशनचे पोलीस निरीक्षक सुनील भावड यांच्यासह पथक घटनास्थळी येऊन चौकशी केली होती.यावेळी या घटनेचा उलगडा होत आत्महत्या करणारे शहादा तालुक्यातील लोंढरे येथील एकाच घरातील नथा बुधा वाघ (माळी) वय 56,त्यांची पत्नी सखुबाई नथा वाघ (माळी) 51 व मुलगा गोपाल नथा वाघ (माळी) वय 30 यांनी आत्महत्या केल्याची माहिती प्राप्त झाली होती.
शहादा तालुक्यातील लोंढरे येथील एकाच घरातील पती पत्नी व मुलगा यांनी एकत्र गिधाडे तापी नदीत उडी घेत जिवनप्रवास संपल्याने सर्वत्र खळबळ उडाली होती.त्यांच्या आत्महत्याचे कारण मात्र अद्याप समजु शकलेले नव्हते मात्र आता या बाबत शहादा पोलीस स्टेशनात मयत गोपाळ वाघ यांच्या पत्नी व सासु विरुद्ध गुन्हा दाखल करण्यात आला असून त्यांना अटक करण्यात आली आहे.
मयत गोपाळ वाघ यांचा भाऊ संजय नथा वाघ यांनी शहादा पोलीस स्टेशनात मयत गोपाळ वाघ यांची पत्नी व सासू विरुद्ध आत्महत्येस प्रवृत्त केल्याप्रकरणी गुन्हा दाखल केला असून मयत गोपाल वाघ यांची पत्नी राधिका गोपाल वाघ रा.लोंढरे ता.शहाद व तिची आई कमलाबाई हिंमत खलाणे रा.सोनवद ता.शहादा यांना पोलीसांनी ताब्यात घेतले आहे. या दोघींनी त्रास दिला होता तर राधिका वाघने मारहाण केली होती असा आरोप लावण्यात आला होता.मयत गोपाळ वाघ याचा मृतदेह गुजारात सिमेभागात हातोडा नजीक मिळाला होता. आई व वडील दोघांचा मृतदेह अद्यापपर्यंत मिळालेले नाहीत.
