बातमी कट्टा:- धुळ्यात चोरांनी जणू काय डॉक्टरांचे घर टार्गेट केल्याचे दिसत आहे. हिरे वैद्यकीय महाविद्यालयाच्या अधिष्ठाता डॉ पल्लवी सापळे यांच्या निवासस्थानी दोन दिवसांपूर्वी चोरीची घटना घडलेली असतांनाच चोरांनी आता आणखी एका डॉक्टरांचे घर टार्गेट करत घरफोडी केल्याचे उघड झाले आहे याबाबत पोलीस गुन्हा दाखल करण्यात आला आहे.
धुळे शहरातील देवपूर भागातील एनसीसी भवनाजवळ राजेश्वर नगरात राहणारे डॉ संजय जोशी यांच्या घरी चोरांनी घरफोडी केल्याची घटना घडली आहे.घराचा कडीकोंडा तोडून घरातील बेडरूममधील कपाट फोडून त्यातील 1 लाखांची हिर्यांचे पँडलसह सोन्याचे दागिन्यांसह रोकड चोरुन नेला आहे. यात एकुण 3 लाख 37 हजारांचा मुद्देमाल चोरीला गेल्याची घटना घडली आहे. याबाबत डॉ. संजय जोशी यांनी देवपूर पोलीस स्टेशनात गुन्हा दाखल केला आहे.
