बातमी कट्टा:- प्रवासी घेऊन धुळ्याला येणाऱ्या बस व भरधाव कंटनेर वाहनामध्ये जोरदार धडक झाल्याने भीषण अपघात आज सकाळी 6 वाजेच्या सुमारास घडला. या अपघातात एस.टी चालकाचा जागीच मृत्यू झाल्याची घटना घडली आहे.
धुळे आगाराची एम.एच 14/बीटी 1790 ही बस नेहमीच्या फेरी प्रमाणे रात्री धुळे तालुक्यातील निमगुळ येथे प्रवासी घेऊन गेली होती.ती बस रात्री निमगुळ येथे मुक्कामी थांबून आज सकाळी प्रवाशांना घेऊन धुळ्याकडे येत होती.यावेळी चाळीसगाव चौफुलीवर समोरुन भरधाव वेगाने येणाऱ्या कंटनेरने बसला जोरदार धडक दिली.या भीषण अपघात बस चालक विलास विनायकराव येवलेकर वय 57 रा.मिल परिसर धुळे यांचा जागीच मृत्यू झाला तर बस मधली 8 ते 9 प्रवाशांना जखमी अवस्थेत हिरे मेडिकल येथे उपचारासाठी दाखल करण्यात आले.
भीषण अपघात घडताच घटनास्थळी नागरिकांनी धाव घेत मदत कार्य सुरु केले होते.मात्र अपघातात बस चालक विलास येवलेकर यांचा जागीच मृत्यू झाला होता. तर इतर प्रवासांना जखमी अवस्थेत हिरे मेडिकल येथे दाखल करण्यात आले होते.या अपघातामुळे काही काळ महामार्गावर वाहतूक कोंडी निर्माण झाल होती.
