बातमी कट्टा:- मेहुणीच्या हळदीला मोटरसायकलीने जाणाऱ्या 30 वर्षीय तरुणाचा अज्ञात वाहनाच्या धडकेत जागिच मृत्यू झाल्याची दुर्देवी घटना घडली आहे.घटनेची माहिती मिळताच सर्वत्र हळहळ व्यक्त होत आहे.
मिळालेल्या प्राथमिक माहिती नुसार शिरपूर तालुक्यातील जातोडे येथील सचिन अशोक तिरमले वय 30 हा आज दि 4 रोजी रात्री टिव्हीएस कंपनीच्या एम.एच 18 एवी 6092 क्रमांकाच्या मोटारसायकलीने जात असतांना शिंदखेडा दोंडाईचा रस्त्यावरील बाम्हणे आणि दोंडाईचा दरम्यान जिनींग फॅक्टरी जवळ अज्ञात वाहनाने जोरदार धडक दिल्याने सचिन तिरमले या तरुणाचा जागिच मृत्यू झाला आहे.सचिन तिरमले यांच्या मेहुणीचा विवाह होता तर दि 4 रोजी हळदीचा कार्यक्रम होता.हळदीच्या कार्यक्रमासाठी जात असतांना सचिन तिरमले यांचा अपघात झाला आहे.मयत सचिन तिरमले हे शिरपूर येथील खाजगी रुग्णालयात कामासाठी होते.त्यांच्या पश्चात आई,वडील,भाऊ व एक लहान मुलगा व मुलगी असा परिवार होत.
