बातमी कट्टा:-हॉटेल व्यवसायिक तरुणाने तापी नदीपात्रात उडी घेऊन आत्महत्या केल्याची घटना घडली असून आज दि 8 सकाळी त्यांचा तापी नदीपात्रात मृतदेह आढळून आला. त्यांच्या आत्महत्याचे कारण मात्र अद्याप समजू शकलेले नाही.
मिळालेल्या प्राथमिक माहिती नुसार शिरपूर तालुक्यातील दहिवद येथील चंद्रसि़ग ऊर्फ (सर्विन) रजेसिंग राजपूत वय 42 हे गेल्या तीन दिवसांपासून बेपत्ता होते.याबाबत शिरपूर तालुका पोलीस स्टेशन बेपत्ता असल्याची नोंद करण्यात आली होती.त्यांचा सर्वत्र शोध सुरु असतांना सावळदे तापी पुलावर त्यांची मोटरसायकल मिळुन आली होती.त्यावरून चंद्रसिंग ऊर्फ सर्विन यांनी तापी नदीत आत्महत्या केल्याचा संशय असल्याने काल पासून तापी नदीपात्रात शोध सुरु असतांना आज सकाळी दहा वाजेच्या सुमारास त्यांचा तापीत मृतदेह आढळून आला असून शिरपूर उपजिल्हा रुग्णालयात शवविच्छेदनासाठी मृतदेह दाखल करण्यात आला आहे. त्यांच्या आत्महत्याचे कारण मात्र अद्याप समजु शकलेले नाही.मयत चंद्रसिंग राजपूत हे हॉटेल आईसाहेब चे संचालक होते.त्यांच्या पश्चात आई,पत्नी मुलगा आणि मुलगी असा परिवार होत.
