बातमी कट्टा:- महिला कर्मचार्याची छेडछाड केल्याची घटना घडली असून गंभीर प्रकार आज सकाळी समोर आला. गेल्या अनेक दिवसांपासून अस्टिटंट ब्रांच मॅनेजरकडून असहनीय छेडछाड होत असल्याने पीडित महिलेने अखेर उबाठा शिवसेनेच्या कार्यालयात धाव घेतली. त्यानंतर शिवसेनेच्या रणरागिणींनी या मॅनेजरला भररस्त्यावर चांगलाच चोप देत अझादनगर पोलीस ठाण्यात जमा केले.
मिळालेल्या प्राथमिक माहिती नुसार शहरातील ग.नं. ६ पारोळा रोड येथील रिलायन्स लाईफ इन्शोरन्स या खाजगी कंपनीत नितीन सोमनाथ पाटील (३५)रा. निकुंभे, ता.धुळे, इ.मु. हजारे कॉलनी, जीटीपी स्टॉपजवळ, देवपूर, धुळे हा असिस्टंट ब्रँच मॅनेजर म्हणून कामाला आहे. याच कंपनीत एक विवाहित महिलाही नोकरीवर आहेत. गेल्या अनेक दिवसांपासून तो या महिलेला ऐनकेन प्रकारे त्रास देऊन त्याने ‘मुझे प्यार हो गया’ असा पिडीत महिलेला मॅसेज पाठविला. याप्रकरणी महिलेने अखेर थेट उध्दव बाळासाहेब ठाकरे शिवसेनेच्या कार्यालयात तक्रार दिली. त्यानंतर उबाठा शिवसेनेच्या महिला पदाधिकारी हेमाताई हेमाडे, शुभांगीताई पाटील यांनी शिवसैनिकासोबत थेट ग.नं.६ मधील कंपनीचे कार्यालय गाठले. आणि असिस्टंट मॅनेजर नितीन पाटील याला कार्यालयातच चॉप देण्यास सुरवात केली. त्यानंतर त्याला ओढून आझादनगर पोलीस ठाण्यात नेण्यात आले. यावेळी बघ्यांनी मोठी गर्दी केली होती. आझाद नगर पोलीस ठाण्यात पीआय प्रमोद पाटील यांच्याकडे शिवसेनेच्या रणरागिणींनी कठोर कारवाई करण्याची मागणी केली.याबाबत गुन्हा दाखल करण्यात आला आहे.
