नरभक्षक बिबट्या मानवी रक्ताला चटावला,आणखी एका बालकावर झडप

बातमी कट्टा:- धुळे तालुक्यातील बोरी शिवारात नरभक्षक बिसट्याने पुन्हा एका बालकावर हल्ला करत गंभीर जखमी केल्याची घटना पहाटेच्या सुमारास घडली असून रूग्णालयात तो मृत्यूशी झुंज देत आहे.चार दिवसांपुर्वी बिबट्याने एका सात वर्सीय चिमुकलीवर हल्ला केला होता त्यात तिचा मृत्यू झाला होता तर दोन दिवसांपूर्वी देखील सहा वर्षाच्या चिमुकल्यावर बिबट्याने हल्ला केल्याने चिमुकल्याचा मृत्यू झाला होता आणि पुन्हा पहाटे बिबट्या नऊ वर्षीय बालकाला हल्ला केला.या घटनेमुळे घबराटीचे वातावरण निर्माण झाले आहे.

मिळालेल्या प्राथमिक माहिती नुसार धुळे तालुक्यातील बोरी परिसरात असलेल्या मोघण येथील धाडरे रस्त्यावरील शेतातील घरात रमेश नरसिंह दुडवे हा नऊ वर्षाचा मुलगा आपल्या कुटूंबासोबत झोपलेला असतांंना बिबट्याने अचानक त्याच्यावर हल्ला केला व त्याला शेतात ओढून नेण्याचा प्रयत्न केला.यावेळी त्याने आरडाओरड केल्याने जवळ झोपलेल्या कुटुंबीयांनी आरडाओरड केल्याने दक्ष नागरिकांनी धाव घेत आरडाओरड करत बिबट्याला बिबट्याला पळवले आणि गंभीररीत्या जखमी असलेल्या रमेशला हिरे वैद्यकीय महाविद्यालयामध्ये उपचारासाठी दाखल करण्यात आले आहे. त्याच्या मानेवर बिबट्याने पंजा मारल्याने रमेशची प्रकृती गंभीर असून त्याच्यावरती उपचार सुरू आहेत. 

या नरभक्षक बिबट्याला ताब्यात घेण्यासाठी वनविभागाने या ठिकाणी पिंजरे व कॅमेरे लावले असून कर्मचारी तैनात करण्यात आले असल्याचा दावा केला आहे. मात्र लावण्यात आलेल्या या कॅमेर्‍यांमध्ये आणि पिंजऱ्यामध्ये हा बिबट्या आलेला नाही. तो सतत हल्ले करत असल्यामुळे परिसरातील नागरिकांमध्ये दहशती सोबत प्रचंड रोष निर्माण झालेला आहे. वनविभागाने या बिबट्याचा तात्काळ बंदोबस्त करावा अशी मागणी करण्यात येत आहे.

WhatsApp
Follow by Email
error: