बातमी कट्टा:- मुंबई-आग्रा राष्ट्रीय महामार्ग क्रमांक तीन वरील तापी नदीपुलावरुन तरुणीने तापीत उडी घेऊन आत्महत्या केल्याची घटना घडली आहे.यात तरुणीचा पाण्यात बुडतांनाचा व्हिडीओ व्हायरल झाला आहे.तापी पुलावर चपला व ओढणी मिळुन आली असून अद्याप ओळख पटू शकलेली नाही.
मिळालेल्या प्राथमिक माहिती नुसार आज दि ६ रोजी दुपारी २-३ वाजेच्या सुमारास मुंबई-आग्रा राष्ट्रीय महामार्ग क्रमांक तीन वरील शिरपूर तालुक्यातील सावळदे तापी नदी पुलावरून तरुणीने उडी घेऊन आत्महत्या केल्याची घटना घडली आहे.घटनास्थळी त्या महिलेला वाचविण्यासाठी प्रयत्न करण्यात आला होता मात्र पाण्यात खोलवर गेल्याने तरुणी मिळुन आलेली नाही.या घटनेचा पुलावरुन जाणाऱ्या एका प्रवासीने व्हिडीओ काढला आहे आहे. घटनास्थळी पोलीस प्रशासन दाखल झाले असून पुलावर चप्पल व ओढणी मिळुन आली आहे.आत्महत्या करणारी ही तरुणी कोण ? याबाबत चौकशी सुरु असून अद्याप माहिती मिळु शकलेली नाही.
