बातमी कट्टा:- खाजगी ईसमाला सांगून 25 हजार रुपये लाचेची मागणी करणाऱ्या तहसीलदाराला लाचलुचपत प्रतिबंधक विभागाच्या धुळे पथकाने ताब्यात घेतले असून दोघांविरुध्द गुन्हा दाखल केला आहे.
मिळालेल्या प्राथमिक माहिती नुसार तक्रारदार हे साक्री तालुक्यातील पिंपळनेर येथील रहिवासी असुन त्यांनी मौजे ठोलीपाडा येथे नवीन अविभाज्य शर्तीच्या शेत जमिनीचा खरेदीचा व्यवहार रजिस्टर सौदा पावतीने केला असून सदरची शेतजमीन भोगवटादार वय्ग 1 होणे करिता शेतजमीनीचे मालक यांनी दि 23/9/2021 रोजी अप्पर तहसीलदार यांच्याकडे अर्ज केला आहे. सदर प्रकरणात अप्पर तहसीलदार विनायक थवील यांनी दि 4/05/2022 रोजी सदर प्रकरणात ७/१२ उतारे व नोंदणी सादर केलेल्या नाहीत.हे कारण दाखवुन सदरचे प्रकरण तुर्तास निकाली काढले होते.त्यानंतर तक्रारदार यांनी सदर प्रकरणातील कागदपत्राची पुर्तता करुन वेळोवेळी तहसीलदार विनायक थवील यांची भेट घेतली.त्यांनी सदर प्रकरणांचा चौकशी अहवाल जिल्हाधिकारी धुळे कार्यालयात पाठलिण्यासाठी तक्रारदार यांच्या कडे 25 हजार रूपये लाचेची मागणी केल्याची दुरध्वनी द्वारे लाचलुचपत प्रतिबंधक विभाग धुळे कार्यालयात माहिती दिली होती.त्यावरून धुळे लाचलुचपत प्रतिबंधकाचे पथकाने पिंपळनेर येथे जावून तक्रारदार यांचे तक्रार नोंदवून घेतली होती.
सदर तक्रारीच्या अनुषंगाने दि 8 /6/2022 रोजी पडताळणी केली असता पडताळणी दरम्यान वरील तहसीलदार विनायक थवील यांनी खाजगी इसम संदिप मुसळे यांच्यावरती तडजोडीअंती 25 हजार लाचेची मागणी केली होती.परंतु त्यांना तक्रारदार यांच्या बाबत शंका आल्याने त्यांनी तक्रारदार यांच्याकडून लाचेची रक्कम स्वीकारण्यास टाळाटाळ केली.अशाप्रकारे तहसीलदार विनायक थवील यांनी खाजगी इसम संदीप मुसळे यास प्रोत्साहित करून तक्रारदार यांच्याकडे लाचेची मागणी केली .म्हणून नमूद आरोपितांनी स्वताचे आर्थिक फायद्यासाठी भ्रष्ट व बेकायदेशीर मार्गाचा अवलंब करून अनाधिकाराने पदाचा दुरुपयोग केला म्हणून त्यांचे विरूद्ध भ्रष्टाचार प्रतिबंध अधिनियम सन 1988 चे कलम 12 व ,७ अ प्रमाणे गुन्हा दाखल करण्यात आला आहे.
सदरची कारवाई लाचलुचपत विभाग धुळे पथक पोलीस उप अधीक्षक अनिल बडगुजर यांच्या मार्गदर्शनाखाली पोलीस निरीक्षक प्रकाश झोडगे,मंजितसिंग चव्हाण तसेच राजन कदम,शरद काटके,कैलास जोहरे,भुषण खलाणेकर, गायत्री पाटील, भुषण शेटे,संदिप कदम,संतोष पावरा, सुधीर मोरे व जगदीश बडगुजर यांनी केली आहे.
