भीषण अपघात,घाटात खासगी बस पलटी…

बातमी कट्टा:- प्रवासी वाहतूक करणाऱ्या खासगी बसचा घाटात भीषण अपघात झाल्याची दुर्दैवी घटना रात्रीच्या सुमारास घडली आहे.मुसळधार पाऊसात बस घाटात पलटी झाल्याने मध्यरात्री मदतकार्य करण्यासाठी मोठी अडचण निर्माण झाली होती.या अपघातात 8 ते 10 प्रवासी गंभीर जखमी झाल्याचे सांगितले जात आहे.

व्हिडीओ बातमी

मिळालेल्या प्राथमिक माहिती नुसार पिंपळनेर कडून सुरत कडे जाणाऱ्या खासगी बसचा नंदुरबार जिल्ह्यातील नवापूर तालुक्यातील चरणमाळ घाटात अपघात झाला.मुसळधार पावसात रस्त्याचा आंदाज न आल्याने जिजे 03 डब्ल्यू 9627 क्रमांकाची बस पलटी झाली.या बसमध्ये सुमारे 30 प्रवासी होते.या भीषण अपघातात 8 ते 10 प्रवाशी गंभीर जखमी झाले असुन , बस खाली अडकलेल्या चालकाला मध्यरात्रीपर्यंत बाहेर काढण्याचे काम सुरु होते,जखमींना नवापुरच्या उपजिल्हा रुग्णालयात दाखल करण्यात आले.

व्हिडीओ बातमी

मुसळधार पाऊस सुरु असल्याने घटनास्थळी मदतकार्य करण्यात अडथळा निर्माण होत होती.घटनेची माहिती मिळताच रुग्णवाहिकांसह नागरिकांनी धाव घेतली. अपघातस्थळी लहान मुले महिलांनी आक्रोश व्यक्त केला.

On youtube
WhatsApp
Follow by Email
error: