बातमी कट्टा:- पूर्व वैमानस्यातून मारहाण झाल्यानंतर जिल्हा रुग्णालयात उपचार सुरु असतांना 27 वर्षीय तरुणाचा उपचारादरम्यान मृत्यू झाल्याची धक्कादायक घटना घडली आहे. या घटनेनंतर पोलीसांनी संशयित म्हणून एकाला ताब्यात घेतले असून चौकशी सुरु आहे.
मिळालेल्या प्राथमिक माहिती नुसार धुळे शहरातील नवनाथ नगर भागात राहणाऱ्या शुभम साळुंखे या 27 वर्षीय तरुणाला चार ते पाच जणांनी नगरपट्टी भागात सुरुवातीला मारहाण केल्यानंतर त्याला वरखेडी रोड भागात असलेल्या डम्पिंग ग्राउंड येथे नेऊन त्याच्यावर दगडाने वार करण्यात आले, यात शुभम साळुंखे हा गंभीर जखमी झाला होता त्याला पोलिसांनी हिरे शासकीय वैद्यकीय महाविद्यालयात उपचारासाठी दाखल केले होते, मात्र या ठिकाणी त्याचा उपचारादरम्यान मृत्यू झाल्याची धक्कादायक घटना घडली असून याप्रकरणी पोलिसांनी एकाला चौकशीसाठी ताब्यात घेतल्याचे सांगितले जात असून पूर्व वैमानस्यातून मारहाण शुभम साळुंखे याला मारहाण करण्यात आल्याचे सांगण्यात येत आहे.
