बातमी कट्टा:- समोरासमोर मोटरसायकलींची धडक होऊन भीषण अपघात झाल्याची घटना घडली असून या अपघातात गंभीर जखमी झालेले सेवानिवृत्त पोलिस अधिकारी यांचा मृत्यू झाला आहे.
मिळालेल्या प्राथमिक माहिती नुसार दि ९ रोजी पिंपळनेर येथील सटाणा रस्त्यावरील रस्त्यावर बल्हाणे येथील सेवानिवृत्त पोलिस अधिकारी बापू रामचंद्र बिरारी हे एम एच ०५-बीपी १९०६ क्रमांकाच्या स्कुटीने एकविरा नगर येथील त्यांच्या घराकडे जात असतांना समोरून वेगाने येणाऱ्या एम एच १८ एक्स ४११२ या मोटरसायकलीने जोरदार धडक दिल्याने भीषण अपघात झाला.या अपघातात सेवानिवृत्त पोलीस अधिकारी बापू रामचंद्र बिरारी यांच्या डोक्याला गंभीर दुखापत झाली होती.त्यांना तात्काळ सुहारी रुग्णालयात दाखल करण्यात आले त्यांना पुढील उपचारासाठी धुळे येथे घेऊन जातांना बापू बिरारी यांचा मृत्यू झाला.
