बातमी कट्टा:- शिरपूर-वरवाडे नगरपरिषद निवडणुकीच्या पार्श्वभूमीवर शहरातील वातावरण दिवसेंदिवस तापत चालले असून, प्रचारासाठी मोजकेच दिवस उरले आहेत.
या पार्श्वभूमीवर भारतीय जनता पक्षाच्या वतीने प्रभाग १ मध्ये होम टू होम प्रचार करण्यात आला. नगराध्यक्ष पदाचे उमेदवार चिंतनभाई पटेल आणि प्रभाग क्रमांक १ चे नगरसेवक पदाचे उमेदवार राज सिसोदिया व संगीता देवरे यांच्या प्रचाराच मोहिमेची औपचारिक सुरुवात करण्यात आली.निमझरी नाका येथील गणपती मंदिरात नारळ फोडून शुभारंभ करण्यात आला. भाजप प्रभारी बबनराव चौधरी, जिल्हा परिषद माजी अध्यक्ष डॉ. तुषार रंधे,भ आदी मान्यवरांसह मोठ्या संख्येने भाजपा कार्यकर्ते उपस्थित होते. ढोल-ताशांच्या गजरात, पक्षाच्या घोषणांनी वातावरण प्रचार मोहीम जोशात पुढे सरकली.
