बातमी कट्टा:- शिरपूर विधान परिषद निवडणुकीची रणधुमाळी सुरू झाली आहे आणि या निवडणुकीत शिरपूरात चुरशीची लढाई बघायला मिळत आहे. भाजप पक्षाकडून नगराध्यक्ष पदाची उमेदवारी करणारे आमदार अमरीश भाई पटेल यांचे पुत्र चिंतनभाई पटेल निवडणूकीच्या रिंगणात आहेत.मतदानाची वेळ जवळ येत असल्याने प्रचाराला देखील जोर धरु लागला आहे.उमेदवार चिंतनभाई पटेल यांना पत्रकारांनी प्रश्न विचारला की शिरपूर निवडणुकीसंदर्भात नगराध्यक्ष पदाचे काय व्हिजन आहे असा प्रश्न विचारला त्या वेळी चिंतनभाई पटेल यांनी सांगितले की माझे वडील आमदार अमरिशभाई पटेल यांनी शिरपूर शहरासह तालुक्याचा विकास केला त्यांच्या पाठोपाठ काका भूपेशभाई पटेल यांनी शिरपूर नगरपालिकेच्या माध्यमातून शहराचा विकास केला शहरातील स्वच्छता, सिमेंट रस्ते यासह अनेक विकासात्मक कामे त्यांनी केली त्यानंतर आई जयश्रीबेन या नगराध्यक्ष पदी निवडून आल्या त्यांनी देखील विकास व्हिजन ठेवले त्यांनी महिलांसाठी देखील कामे केली.आता मी नगराध्यक्ष पदासाठी लढतोय माझे देखील शहराचा विकास हेच व्हिजन आहे.हिंदीत बोलतांना चिंतन पटेल म्हणालेत की शिरपूरके डेव्हलपमेंट करुगा क्योकी शिरपूर हमारे खून मैं है ! पटेल परिवार शिरपूर के लिये बना हुआ है ! हे वाक्य बोलताच कार्यकर्यांनी देखील जोरदार घोषणा देत दाद दिली. कार्यकर्त्यांना देखील चिंतनभाई पटेल यांनी पत्रकार समोर मांडलेले आपले मत पहिल्यांदा ऐकायला मिळाले होते.त्यांच्या शिरपूर हमारे खून मै हे ! या वाक्याने कार्यकर्त्यांमध्ये प्रचारात जोश बघायला मिळाला.
